Yona 1:3 - Baibuli Ekibono kya Katonda 2014

³ Aye Yona yaalumuka okuva aghali Musengwa Katonda aje e Tarushishi. Agho yaaja e Yoppa, ye yayagaana eryato eryali liri kutegekebwa okuja e Tarushishi. Yaasasula empiiya edh'olugendo oluja e Tarushishi, yaaniina mu lyato aje nabo okutuuka ye baali bali kuja, alumuke okuva aghali Musengwa Katonda.

Yona 1:3 ပူးပေါင်းရင်းမြစ်များ

Amainhama 3:8

Agho baawulira Musengwa Katonda ng'ali kutambula mu nimiro eigulo nga kuwoze era beegisa mu miti egy'omu nimiro nga tibenda ababone.

Amainhama 4:16

Kaini yaava mu maiso ga Musengwa Katonda, yaaja yaabanga mu nsi eyetebwa “Ntambula ntyo,” eri ku luuyi olw'e buvandhuba bwa Edeni.

1 Bakyabazinga 19:3

Agho Eliya yaatya, yaasituka yaalumuka okuwonia obulamu bwe. Yaaja e Beerisheba eky'omu Buyudaaya. Yaaleka eyo omugheereza we,

1 Bakyabazinga 19:9

Eliya bwe yatuuka ku lusozi Sinai, yaayagaana empuku, yaasula omwo. Agho Musengwa Katonda yaayogera naye, ng'amubuuza ati: “Oli kukola ki ghano?”

2 Ebyomubyanda 2:15

Kale ni tugheereze engaano, ni sayiri, n'omuzigo ogw'ebibala eby'emiti emyoliva, n'omwenge ogw'emizabbibu, bye wasuubiza.

2 Ebyomubyanda 2:16

Twidha kutema emiti gyonagyona gye weetaaga okuva mu Lebanoni, tugisibe mu binhwa, tugite ku nhandha giseeyeeye okutuuka e Yoppa. Eyo y'oligitoolera okugitwala e Yerusalemu.”

2 Ebyomubyanda 9:21

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli ku nkomerero ya myaka esatu, olugololiro lw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Yobu 1:12

Musengwa Katonda yaakoba Sitaani ati: “Kale, byonabyona by'ali nabyo biri mu buyinza bwo. Aye mwene otamukolaku kabi.” Agho Sitaani yaava mu maiso ga Musengwa Katonda.

Yobu 2:7

Agho Sitaani yaava mu maiso ga Musengwa Katonda, yaaja, yaaleetera omubiri gwa Yobu okumwaguka amabwa amabi einho, okuva ku mutwe okutuuka ku bigere.

Zabbuli 107:23

Abandi baavuganga maato ku nhandha, baakoleranga emirimo gyaibwe ku maadhi,

Isaia 2:16

Alisaaniagho amaato goonagoona ag'e Tarushishi, yaasaaniagho n'ebintu byonabyona ebyakolebwa ebisanhusa okubona.

Isaia 23:1

Buno n'obukwenda obugema ku Tiro. Muwowoole amaziga imwe ab'amaato g'e Tarushishi. Ekibuga kyaimwe Tiro bakizikiriiza, tighakaaligho ndhu oba kifo kya kwewogomamu. Amawulire ago gabatuuseeku nga gaviira mu nsi Kupuro.

Isaia 23:10

Imwe abatyamye b'e Tarushishi, mwidhule ensi ng'oti n'omwiga Kiyira bwe gwidhula ni gubanda n'okubanda. Buti tighakaaligho kibalobera, ensi yaimwe.

Isaia 23:6

Muwowoole amaziga imwe abatyamye b'oku bukalu bw'enhandha, era mulumukire e Tarushishi.

Isaia 60:9

Ago n'amaato agava mu nsi edh'eghala, nga gakulembeirwamu amaato ag'e Tarushishi, agali kuleeta abantu ba Musengwa Katonda okuva eyo eghala. Abantu abo baleese feeza waibwe ni zaabu waibwe, okugha ekitiisa Musengwa Katonda Omutukuvu wa Isiraeli, kuba ataire ekinhagansi mu bantu be.

Yeremia 10:9

Ebifaananie ebyo baabirimbyaku feeza ye baatoola e Tarushishi, ni zaabu ye baatoola mu Ufazi. Era abagheesi b'ebintu bya zaabu n'abakola ebifaananie ebyo n'obukugu. Baabivaaza engoye dha langi ya bbululu n'edh'eya nakasooma, edhaakolebwa abalusi b'engoye abakugu.

Ezekieli 2:8

“Aye iwe omuntu wulirisa kye ndi kukukoba: otaba mudheemu ng'oti ni beene. Kola oyasame, olye kye nja okukugha.”

Ezekieli 27:12

“Ab'e Tarushishi baasuubulagananga n'iwe olw'ebintu eby'obukombe kamaala by'oli nabyo, baakusasulangamu feeza, ekyuma ekigumu einho, amabaati, n'ekyuma ekizitogha.

Ezekieli 3:14

Omwoyo gwa Katonda gwambeeda gwantwala, naaja nga ndiku obusungu n'enaku, era amaani ga Musengwa Katonda gandidhaku mangi inho.

Yona 1:10

Abasaadha baatya inho era baamukoba bati: “Ekyaga agho kikoleka?” Kuba yali amaze okubakobera ati ali kulumuka ku Musengwa Katonda.

Yona 4:2

Agho yaakoba ati: “Wo Musengwa Katonda, bino ti bye nakoba nga nkaali mu nsi yange? Nze namanha ng'oli wa kivunika era asaasira einho. Ogonza inho abantu obutalekera era obaguminkiriza buliidho oli mwetegefu okukyusa ebidhuubo byo waaloba kubabonereza. Era kyova obona nali numukiire e Tarushishi.

Luka 9:62

Oyo Yesu yaamukoba ati: “Ezira agema mbago kulima ate n'alingirira ebimuli einhuma, oyo tawoomera mu Bwakyabazinga bwa Katonda.”

Ebikolwa by'Abatume 15:38

Aye Paulo yaaloba kukisiima okuja n'omuntu eyabaleka mu Panfilia n'ataba nabo ku mulimo.

Ebikolwa by'Abatume 26:19

“Kale kyabazinga Agurippa, tyadheemera kubonekerwa okwava mu igulu.

Ebikolwa by'Abatume 9:36

Mu Yoppa mwalimu omukazi nga eriina lye ni Tabitha oba Dorukasi, ekitegeeza, empongo. Omukazi ono, yakolanga ebikolwa ebirungi era n'eby'ekisa.

Ebikolwa by'Abatume 9:38

Mperaano Yoppa kyali kumpi ni Ludda. Kale abeegeresebwa abaali e Yoppa bwe baawulira bati Petero ali e Ludda, baamutumira abasaadha babiri baamukoba bati: “Tukweghembye tezaaku oidhe ye tuli.”

Ebikolwa by'Abatume 9:42

Kino kyamanhibwa mu Yoppa yoonayoona, abantu kamaala baikiriza Musengwa.

Ebikolwa by'Abatume 9:43

Petero yaamala enaku kamaala mu Yoppa ewa Simoni omughazi ow'amawu.

1 Ab'e Korintho 9:16

Bwe nkobera abantu Amawulire Amalungi ekyo tikindeetera kwenhumiriza, kuba era nteekwa buteekwe okubakobera, era mba nga nkagwireku bwentakobera bantu Mawulire Amalungi.

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.

Yoshua 19:46

Meyarakoni, ni Rakkoni, era n'ekiketezo ekyezungulwire Yoppa.