Yona 1:2 - Baibuli Ekibono kya Katonda 2014

² “Situkiramu oje okobe abantu ab'omu kibuga Nineve, ekibuga ekikologho ekyo, oti, ‘Mboine okwonoona kwaibwe.’ ”

Yona 1:2 ပူးပေါင်းရင်းမြစ်များ

Amainhama 10:11

Yava mu kiketezo ekyo yaaja mu Assiria, yaazimba Nineve, Rehobati-Iri, Kala,

2 Bakyabazinga 19:36

Agho Sennakeribu kyabazinga w'e Assiria yaavaagho yairayo, yaaja e Nineve yaaba eyo.

2 Ebyomubyanda 28:9

Aye ghaaligho omulanzi wa Musengwa Katonda ng'aba Samaria, eriina lye nga ni Odedi. Oyo yaaja okweisuusaayo eigye nga liri kwira e Samaria, yaabakoba ati: “Bona eno, olw'okuba Musengwa Katonda, Katonda wa badhaadha baimwe yasungughalira ab'omu Buyudaaya, kyaviire n'abaghaayo ye muli okubaghangula. Aye mperaano awuliire engeri ye mubaiseemu n'obukambwe obutaloodheka.

Ezera 9:6

“Wo Katonda wange, nswaire inho era ensoni dhiri kungema okusitula amaiso ninge y'oli, iwe Katonda wange kuba ebibi byaife byebunze emungo etusinga n'obuleeyi, n'emisango gyaife gyebunga emungo etuuka ni ku igulu.

Isaia 37:37

Agho Sennakeribu kyabazinga w'e Assiria yaavaagho yairayo, yaaja e Nineve yaaba eyo.

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Yeremia 20:9

Bwe nkoba mule nti: “Ka ndobe kwogera mu liina lya Musengwa Katonda oba waire okumwogeraku obwogere,” obukwenda bwo buba ng'oti muliro oguli kwakira munda mu nze. Era bumbitiriireku tikaasobola kubufuga.

Ezekieli 2:7

Oidha kubakobera bye ndi kukutuma okubakobera, oba bawulirisa oba tibawulirisa.

Hosea 7:2

Aye baaloba kulowooza naku nga nze tyerabira bikolwa byaibwe byonabyona ebibi. Kale ni mpegaano ebibi byaibwe bibazingiiza, era nze ndi kubibona bukalamu.”

Yona 3:2

“Situkiramu oje eri abantu ab'omu kibuga Nineve, ekibuga ekikologho ekyo, obakobere obukwenda bwe nakukoba.”

Yona 3:3

Yona yaasitukiramu yaaja e Nineve nga Musengwa Katonda bwe yamukoba. Nineve kyali kikologho, ng'okutambula okukibitamu omala enaku isatu.

Yona 4:11

Memale nze tigwaine kufaayo ku Nineve, ekibuga ekikologho ekyo, ekirimu abaana abaziraku musango abaswika mu mitwalo eikumi n'ebiri (120,000), era nga kirimu n'ensolo kamaala?”

Mika 3:8

Aye nze, Musengwa Katonda andidhwiza omwoyo gwe, era yampa amaani n'obutatya, okukobera Abaisiraeli omuntu bw'agwaine okubisibwa mu butuufu, era n'okubakobera ebibi bye bakola.

Nahumu 1:1

Buno n'obukwenda obwava ye Katonda nga bugema ku kibuga Nineve. Nahumu ow'oku kyalo Elikoshi yafuna okwolekebwa, era bye yabona mu kwolekebwa ni bino ebyaghandiikibwa mu kitabo kino.

Nahumu 3:19

Ghazira kighanga kukutoolaku bulumi bw'otuuseeku, n'ebibwa bye bakufumiite tibisobola kuwona. Abo boonaboona abawulira ku kuzikirizibwa kwo, bakuba mu ngalo olw'eisanhu. Kuba mpaagho y'otaatuusaaku bikolwa byo eby'obukambwe.

Matayo 10:18

Balibatwala mu maiso ag'abafuzi ni bakyabazinga nga babalanga nze, mube badhulizi bange mu abo ni mu bamaghanga agandi.

Matayo 12:41

Ab'e Nineve, mu kusalirwa omusango, balisituka baalumiriza abantu ab'oluse luno kuba beenenia Yona bwe yalangirira okwenenia ate nga ghano ghaligho n'asinga Yona.

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

Okwolekebwa 18:5

kuba emungo ey'ebibi bye etuukira irala ku igulu, ni Katonda aidhi ebyonoono bye.