Yona 1:16 - Baibuli Ekibono kya Katonda 2014

¹⁶ Abasaadha baatya Musengwa Katonda ekibitiriire. Baamugha omusengo era beeyama.

Yona 1:16 ပူးပေါင်းရင်းမြစ်များ

Amainhama 28:20

Agho Yakobo yaagha obweyamo eri Musengwa Katonda ati: “Bw'onaabanga ghalala ninze, ng'onkuuma mu lugendo lwange luno, era ng'ompa eby'okulya n'eby'okuvaala,

Amainhama 8:20

Agho Noa yaazimbira Musengwa Katonda alutaari, era yatoola ku buli nsolo nongoofu, ni ku buli nhonhi nongoofu, yaaghaayo ebigheebwayo ebyokebwa ebiromba ku alutaari.

2 Bakyabazinga 5:17

Agho Naamani yaakoba ati: “Oba olobye okutwala ekirabo, nkweghemba ompe eitaka erighanga okwetwikibwa enhumbu eibiri, nditwale ewaife, kuba okuva ni mpegaano, nze omugheereza wo tiidha kughangayo bigheebwayo byokebwa oba misengo eri musambwa waire omulala, okutoolaku eri Musengwa Katonda.

Yobu 37:24

Abantu kyebava bamutya, kuba tamalira biseera bye ku abo abeeyeta abagezi.”

Zabbuli 107:22

Era bagwainenga bagheeyo emisengo olw'okumwebaza, bembenga n'enhembo edh'eisanhu edhoogera ku by'abakolera.

Zabbuli 116:14

Era ndidha kutuukiriza ebyo bye neeyama eri Musengwa Katonda, nga ndi mu bantu be abeesoloiza okumusinza.

Zabbuli 50:14

Omusengo gwaimwe ka gubenga okunsiima nze Katonda, era mutuukirizenga bye mweyama eri nze Ali Ghaigulu Yeene.

Omulangirizi 5:4

Bw'obanga weeyamye ekintu eri Katonda, otalwangagho kukituukiriza, kuba Katonda tasanhukira basiru. Tuukirizanga kye weeyamye okukola.

Isaia 26:9

Omwoyo gwange gwegomba okuba aghalala n'iwe obwire, era nkunoonia obutakoogha. Kuba bw'osalira abantu emisango mu nsi, olwo beega okukola ebituufu.

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Yona 1:10

Abasaadha baatya inho era baamukoba bati: “Ekyaga agho kikoleka?” Kuba yali amaze okubakobera ati ali kulumuka ku Musengwa Katonda.

Yona 1:14

Agho baasaba Musengwa Katonda bati: “Tukweghembye Musengwa Katonda, otatuzikiriza ng'otulanga okwita musaadha ono. Niiwe mwene oleese kiwunga ono nga mwene bw'oyenze.”

Mariko 4:31

Oba tunaabugeza ku ki? Buli ng'akamuuma ka kaladaali bwe kasimbibwa mu itaka, katonioli okusinga emuuma dhoonadhoona edhiri mu nsi.

Ebikolwa by'Abatume 5:11

Ekikunsu ky'Abaikiriza mu Kurisito n'abandi boonaboona abaawulira bino baatya inho.

Abalamuzi 13:16

Aye malaika wa Musengwa Katonda yaamukoba ati: “Ni bwe nnaasigala nga nkaaliku n'imwe, era tiirye ku mere yaimwe. Aye bwe mwenda okutegeka ekigheebwayo ekyokebwa, mugwaniire kukigha Musengwa Katonda.” Manoa yali amukobye ebyo lwa kuba tiyategeera ng'oyo malaika wa Musengwa Katonda.