Yoeli 3:19 - Baibuli Ekibono kya Katonda 2014

¹⁹ Ensi Misiri erifuuka irungu, n'ensi Edomu yaafuuka bifulukwa byereere; kuba abantu b'omu nsi edho baalumba Buyudaaya, baita abantu abaziraku musango.

Yoeli 3:19 ပူးပေါင်းရင်းမြစ်များ

Zabbuli 137:7

Wo Musengwa Katonda, idhukira Abaedomu kye baakola ku lunaku Abababilonia lwe baagema Yerusalemu. Baakobanga bati: “Mu kisaaniegho kyonakyona. Mutuukire irala ku musingi!”

Isaia 11:14

Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.

Isaia 11:15

Musengwa Katonda alikozesa empewo ye ebabula yaakaza ekikono ky'enhandha y'e Misiri; era yaasonka omukono gwe ku mwiga Eufurate, yaagwawulamu obwiga musanvu, abantu bwe basobola okusomoka nga tibabozeeku naire.

Yeremia 49:17

Musengwa Katonda era yaakoba ati: “Edomu erifuuka ekintu ekitiisa einho, era buli muntu anaagibitangaku aidha kutengeesanga bwa mutwe olw'okutya okungi.

Yeremia 51:35

Abantu ab'omu Sioni ka bakobe bati: “Obukambwe Abababilonia bwe baatukolaku, ka bubairirengaku beene abo!” Abantu ab'e Yerusalemu ka bakobe bati: “Omusaayi ogw'abantu baife ogwayuyika, ka gwirirenga ku Bababilonia beene abo!”

Okulira 4:21

Imwe abantu ab'e Edomu n'imwe ababa mu Uzi museke inho era musagambe inho nga mukaali. Aye olwaimwe luli kwidha, lwe muligemesebwa ekikopo eky'obusungu bwa Musengwa Katonda. Mulikinhwa mwatamiira mwatoolera n'okubita amadu.

Obadia 1:1

Buno n'obukwenda Musengwa Katonda bwe yatuma Obadia okulanga, nga bugema ku ighanga ly'Abaedomu. Obukwenda bukoba buti: Twawulira amawulire okuva ye Musengwa Katonda. Era ghaligho omukwenda eyatumwa okuja ng'abitabita mu maghanga ng'akoba ati, “Mwetegeke tuje tulumbe Edomu.”

Habakkuku 2:17

Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Zekaria 10:10

Ndibasoloza naabatoola mu Misiri, naabatoola ni mu Assiria naabaiza ewaibwe. Naabata mu Gileadi ni mu Lebanoni, woonawoona ghaidhula abantu.

2 Ab'e Thessalonika 1:6

Era Katonda aja kukola ekituufu: aja kuleetera abo ababadaazadaaza badaagedaage,