Yoeli 2:31 - Baibuli Ekibono kya Katonda 2014

³¹ Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Yoeli 2:31 ပူးပေါင်းရင်းမြစ်များ

Yeremia 4:28

‘Ekyo kirireetera ensi okulira, ni ku igulu kwairugala; kuba nze kye ndhogeire tiidha kukikyusaamu naire, era kye nsazeegho tiidha kukivaaku naire.’

Ezekieli 32:7

Lwe ndikuzikiriza ndighemba ku igulu, nairugaza emuunienie dhaaloba kwaka, naaghemba ni ku ndhuba ekire, era n'omwezi gwaloba kuvaaku butangaavu naire.

Yoeli 2:1

Mufuuwe eigwala mu Sioni; mukube enduulu ku lusozi lwa Katonda olutukuvu. Abantu b'omu Buyudaaya boonaboona ka badhugumire, kuba olunaku lwa Musengwa Katonda luli kwidha, era luli kumpi kutuuka.

Yoeli 2:10

Bwe dhiba dhiidha, ensi yeesunda n'eigulu lyatengeeta. Endhuba n'omwezi biirugala, n'emuunienie dhaalekera okwaka.

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Yoeli 3:1

Musengwa Katonda akoba ati: “Bona eno, mu kiseera ekyo kyene ndireetera abantu b'omu Buyudaaya n'ab'omu Yerusalemu, ebintu byairamu okubajiiranga obukalamu kabiri.

Yoeli 3:15

Endhuba n'omwezi biirugaire, n'emuunienie dhaalekera okwaka.

Zekaria 14:6

Mu kiseera ekyo teribaayo kiinhogogo waire olufu.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Malaki 4:5

“Aye bona eno, olunaku lwa Musengwa Katonda olukologho era olw'entiisa bwe luliba lukaali kutuuka, ndibatumira Eliya omulanzi.

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Matayo 27:45

Mperaano, okuva ku saawa eyomukaaga enzikiiza yaagema ensi yoonayoona okutuuka ku saawa eyomwenda.

Luka 21:25

“Ghalibaagho obumanhiso ku ndhuba, ku mwezi ni ku muunienie, ate ku nsi ghalibaagho okweraliikirira mu maghanga, n'okusoberwa olw'okuduma okw'amayengo n'enhandha.

Ebikolwa by'Abatume 2:20

Endhuba erizikira, Omwezi gwamyuka oti musaayi, memale olunaku lwa Musengwa olukulu era olw'ekitiisa lwatuuka.

Okwolekebwa 8:12

Malaika owokuna yafuuwa eigwala lye. Ekitundu kirala kirala ku buli bitundu bisatu eby'endhuba, n'ekitundu kirala kirala ku buli bitundu bisatu eby'omwezi, n'ekitundu kirala kirala ku buli bitundu bisatu eby'emuunienie byakubwa; olwo kyaba nti ekitundu kirala kirala ku buli bitundu bisatu eby'obutangaavu bwabyo kyafuuka nzikiiza. Ekitundu kirala kirala ku buli bitundu bisatu eby'olunaku, n'ekitundu kirala kirala ku buli bitundu bisatu eby'obwire, byaba nzikiiza.