Yoeli 2:23 - Baibuli Ekibono kya Katonda 2014

²³ Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Yoeli 2:23 ပူးပေါင်းရင်းမြစ်များ

1 Bakyabazinga 8:36

bawulirenga eyo y'oli mu igulu. Era sonighanga ebibi by'abagheereza bo, Abaisiraeli abantu bo, obeegeresanga okukola ebituufu. Era gwisanga amaadhi ku nsi yo eno, ye wagha abantu bo okuba omugabo gwaibwe.

Yobu 33:23

“Aye ghasobola okubaagho owundi ku bamalaika ba Katonda enkumi n'enkumi, yaidha yaamuwonia; abo nga ni bamalaika abayamba abantu okubooleka ekituufu.

Yobu 37:13

Agwisa amaadhi okufukirira ensi. Olundi agagwisa lwa kubonereza bantu, ate olundi kaaba kamanhiso akooleka ekisa kye.

Zabbuli 104:34

Nsaba Musengwa Katonda asiime olwembo lwange, kuba okusagamba kwange kuva y'ali.

Zabbuli 147:8

Aghemba ku igulu ebire, yaasindika amaadhi agagwa ku nsi era yaameza eisubi ku nsozi.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Zabbuli 28:7

Musengwa Katonda n'amaani gange era n'engabo yange, oyo ye neesiga n'omwoyo omulala. Ambeera era yansanhusa, ndidha kumwembera olwembo olw'okumusiima.

Zabbuli 32:11

Imwe abatuufu musangaale era musagambe olw'ebyo Musengwa Katonda by'akola. Imwe abagondera ebiragiro bye, mukube emizira.

Zabbuli 84:6

Bwe babita mu kiiko eky'e Baka, kifuukamu enhindo edhivaamu emiiga, amaadhi agasookereza okugwa gakiidhuza ebidiba.

Ensambo 16:15

Kyabazinga bw'aba omusangaavu abantu be balama, era ekivunika kye kiba ng'oti bire ebivaamu amaadhi ag'omutoigo.

Isaia 30:21

Bwe munaadaalimiranga ku luuyi olw'omukono omusaadha oba ku lw'omugooda, ni muva ku ngira, mwidha kuwuliranga amamiro ge emugongo waimwe nga gabakoba gati: “Eno n'engira ye mube mutambuliremu.”

Isaia 30:23

Olwo buli bye mulisiganga, Musengwa Katonda alibifukiriranga amaadhi agagwa byakula, yaabaleetera okukungula ebirime eby'omwero. Ensolo dhaimwe dhiriba n'ebyayiro ebigazi obukalamu.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 5:24

Timukoba naku mule muti, ‘Ka tutye Musengwa Katonda waife aleetera amaadhi okugwa mu biseera byago, mu mutoigo ni mu musambya, era n'atuteeragho ebiseera eby'amakungula buli mwaka.’

Okulira 4:2

Abaisuka ab'omu Sioni abaatwalibwanga okuba ab'omughendo ng'oti zaabu mukenenule, buti batwalibwa ng'oti bitamutamu bya itosi.

Ezekieli 34:26

“Ndibagha enkabi, era baabanga mu kiketezo ekyezungulwire olusozi lwange. Naabaleeteranga amaadhi amalungi okugwa mu biseera byago mwe bageetaagira.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Abalevi 26:4

nnaabaghanga amaadhi mu biseera byago, ensi yaabaza ebirime, n'emiti gyabala ebibala.

Amosi 4:7

Naagemerera amaadhi gaaloba kugwa mu kiseera ebirime byaimwe ghe byageetaagira einho, ng'ekaabulayo emyezi esatu okutuuka ku kukungula. Naatoonhesaaku amaadhi mu kibuga ekindi aye nga mu kindi tigagwa. Amaadhi gaagwa mu musiri ogundi aye ogundi gwakala olw'amaadhi obutagwa.

Zekaria 10:1

Imwe abantu ba Musengwa Katonda, mumusabenga abaghe amaadhi mu biseera byago bye gagwiramu. Musengwa Katonda oyo n'aleetera ebire okwekuluumulula, olwo yaagha abantu amaadhi, gaagwa mu nimiro dhaibwe dhaameramu ebisimbe.

Zekaria 10:7

Olwo abantu b'omu Isiraeli baliba ng'oti n'abalwani abaziramu ntete. Era mule baliba basanhuukirivu ng'oti n'abanhweire omwenge ogw'emizabbibu. Baidhukulu baibwe bwe baliidhukiranga obughanguzi buno, balisagambanga olw'ebyo nze Musengwa Katonda bye nkoze.

Zekaria 9:13

Ndikozesa Buyudaaya ng'oti kalaso ka mulwani, era naakozesa Isiraeli ng'oti n'obusaale bwaku. Ndikozesa ab'e Sioni ng'oti mpiima, naalwanisa Abagureki.”

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Ebikolwa by'Abatume 14:17

Ate nga Katonda tiyeegisa, yeeyoleka mu ebyo ebikalamu by'akola: Abagha amaadhi, okuva mu igulu, abaza ebibala mu biseera byabyo, abagha emere era aidhuza emyoyo gyaimwe okusagamba.”

Amateeka Agokubiri 11:14

Olwo aidha kugwisanga amaadhi mu nsi yaimwe mu biseera byago eby'omusambya n'eby'omutoigo. Olwo musobolenga okukungula engaano, n'okufuna omwenge ogw'emizabbibu n'omuzigo ogw'ebibala eby'emiti emyoliva.

Amateeka Agokubiri 28:12

Musengwa Katonda aidha kubaigulirangagho eiterekero lye ery'ebirungi, eigulu ligwisenga amaadhi mu nsi yaimwe mu biseera byago. Era aidha kubaghanga enkabi mu byonabyona bye munaakolanga, musobole okuwolanga amaghanga kamaala, aye nga imwe timugeewolwaku.

Amateeka Agokubiri 32:2

Nsaba bye ndhegeresa bibe ng'oti n'amaadhi agali kugwa, bye ndhogera bigwe ng'oti musulo, ng'oti n'oluudhi olufuunhagala ku bimera ebigonvu, ng'oti n'olumiiyirizi ku isubi eito.

Ab'e Filippi 3:1

Ekisembayo baganda bange, musagambirenga mu Musengwa. Tifaayo kwiramu kubaghandiikira ku bintu byene ebyo, era muganhulwa bwe nkikola.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!