Yoeli 2:22 - Baibuli Ekibono kya Katonda 2014

²² Imwe ensolo edh'omu nsiko, mutatya, kuba eisubi lisibwike mu nsiko; emiti gibaze ebibala, emitiini n'emizabbibu gitaireku ebibala kamaala.

Yoeli 2:22 ပူးပေါင်းရင်းမြစ်များ

Amainhama 4:12

Bw'onaalimanga eitaka tiriidha kukughanga makungula naire; ku nsi oidha kutambulatambulanga eyo otyo ng'ozira gh'osula.”

Zabbuli 36:6

Obutuufu bwo bugulumivu ng'oti nsozi, ate ensala yo ey'amazima eika yaatuuka ku ntobo ey'enhandha. Niiwe owonia abantu n'ensolo obutagwa mu kabi.

Zabbuli 65:12

Abantu bo eyo ye baayira ebyayo byaibwe, eisubi litoonha butoonhe. Buli kasozi kanhoonha okubona.

Zabbuli 65:13

Ebifo ebyayirwamu biidhwire byayo; ebiiko biidhwire misiri gya mere, nga byonabyona byemba era nga bwe bikuba emizira.

Zabbuli 67:6

Ebirime bibaze inho ku nsi. Katonda, oyo Katonda waife, atughaire enkabi.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Ezekieli 36:30

Ndireetera emiti egy'ebibala n'enimiro edh'emere okwama einho, endhala erobe kabiri kwirayo kubaluma na kubaswaza mu maghanga gandi.

Ezekieli 36:35

Era balikoba bati, ‘Eno ensi eyali erekeibwa obwagho etyo ng'eri bifulukwa byereere, buti efuuse ng'oti n'enimiro ey'e Edeni! N'ebibuga ebyali byonooneibwa era nga byona birekeibwa bw'agho bityo nga biri bifulukwa byereere, buti birimu abantu era byezungulwirwa ebimante ebigumu!’

Ezekieli 36:8

Aye imwe ensozi edh'omu Isiraeli, mulimeraku emiti, gyataaku n'ebibala, ku lw'abantu bange Abaisiraeli abali kumpi okwira eka.

Yona 4:11

Memale nze tigwaine kufaayo ku Nineve, ekibuga ekikologho ekyo, ekirimu abaana abaziraku musango abaswika mu mitwalo eikumi n'ebiri (120,000), era nga kirimu n'ensolo kamaala?”

Haggai 2:16

ng'omuntu asobola okuja ku mmungo ey'engaano ng'asuubira okwagaanayo kilo ebikumi bibiri, aye ghaabangagho bwa kilo kikumi kyonka. Ate omuntu bwe yajanga okusena lita ekikumi edh'omwenge ogw'emizabbibu ku kikunhiro, yayagaanangayo lita makumi ana (40) gonka.

Zekaria 8:12

Baidha kusiganga emere nga bali mu miraala, emizabbibu gibalenga ebibala, eitaka lyeyongerenga okubaaku ebirime, n'amaadhi gagwenga. Ebyo byonabyona ndibigha abantu b'eighanga lino abaawonagho.

1 Ab'e Korintho 3:7

Bwenebwene oyo asimba oba afukirira ti n'ekikulu, aye ekikulu, ni Katonda akuza.