Yoeli 2:21 - Baibuli Ekibono kya Katonda 2014

²¹ Imwe enimiro, mutatya, aye musangaale era musagambe, kuba Musengwa Katonda atukoleire eby'amaani.

Yoeli 2:21 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Zabbuli 71:19

Obutuufu bwo butuuka ni mu igulu. Okoze ebintu ebikologho, ezira ali ng'oti niiwe.

Zabbuli 98:8

Omwidhuzo gw'amaadhi ka gukube mu ngalo; n'ensozi dhembere ghalala n'eisanhu mu maiso ga Musengwa Katonda,

Isaia 35:1

Eirungu lirisagamba, ensi enkalukalu yaamulisa ebimuli.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 54:4

Leka kutya, kuba toliiramu kuswazibwa kabiri; leka na kutabulwa, kuba ensoni tidhiriiramu kukugema kabiri. Olyerabira ensoni edh'omu buto bwo edh'obutaba mwesigwa, weerabira n'enaku ey'okulekebwa agho otyo nga namwandu.

Isaia 55:12

Muliva mu Babiloni nga muli basangaavu; mwavaayo mwatwalibwa nga muli mu miraala. Ensozi n'obusozi biritimbuka byayemba, n'emiti gyonagyona gyasangaala gyakuba mu ngalo.

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Hosea 2:21

Mu biseera ebyo nze Musengwa Katonda, ndiwulira okusaba kw'abantu bange Abaisiraeli, naalagira eigulu lyagwisa ku nsi amaadhi.

Yoeli 2:20

Ndidha kutoolagho eigye ery'enzige edhaava ku luuyi olw'omukono omugooda olw'e buvandhuba. Edhindi ndidha kudhibingira mu irungu ezira bantu: edho edhiri mu bikunsu ebikulembeiremu ndidha kudhisindika mu Nhandha Eyomuunhu. Ate edho edhiri mu bikunsu eby'einhuma ndidha kudhisindika mu Nhandha Eyaghagati. Ndidhizikiriza olw'ebibi bye dhaabakola, era emirambo gyadho giriwunha inho.

Yoeli 2:26

Mwidha kubanga n'eby'okulya kamaala ebinaabaigusanga, ni musaaka eriina lyange nze Musengwa Katonda waimwe, eyabakolera ebyewuunhisa. Abantu bange tibaliirayo kabiri kuswazibwa.

Zekaria 8:15

Aye mpegaano ntegeike okugha abantu b'omu Yerusalemu n'ab'omu Buyudaaya enkabi. Kale mutatya naire.

Amateeka Agokubiri 4:32

Musa yaayongera okukoba Abaisiraeli ati: “Mwekebeedhe ebyaligho mu byanda eby'eira, okuviira irala einhuma ere, bukyanga Katonda atonda abantu ku nsi. Mwekebeedhe ensi yoonayoona. Ekintu ekikologho ng'oti ni kino kyali kibaireghooku, era ghaligho eyaali akiwuliireku?

1 Samueli 12:16

Kale ni, buti mwemerere bukalamu, mubone Musengwa Katonda ky'aja okukola.

1 Samueli 12:24

Kale ni mwisenga mu Musengwa Katonda ekitiisa, mumugheerezenga nga muli beesigwa n'omwoyo gwaimwe gwonagwona, nga mwidhukira ebintu ebikologho by'abakoleire.