Yoeli 2:20 - Baibuli Ekibono kya Katonda 2014

²⁰ Ndidha kutoolagho eigye ery'enzige edhaava ku luuyi olw'omukono omugooda olw'e buvandhuba. Edhindi ndidha kudhibingira mu irungu ezira bantu: edho edhiri mu bikunsu ebikulembeiremu ndidha kudhisindika mu Nhandha Eyomuunhu. Ate edho edhiri mu bikunsu eby'einhuma ndidha kudhisindika mu Nhandha Eyaghagati. Ndidhizikiriza olw'ebibi bye dhaabakola, era emirambo gyadho giriwunha inho.

Yoeli 2:20 ပူးပေါင်းရင်းမြစ်များ

2 Bakyabazinga 8:13

Hazaeli yaabuuza ati: “Katyo nze omugheereza wo ndi ng'embwa obubwa, ndisobola ntya okukola ekyaga agho?” Elisha yairamu ati: “Musengwa Katonda andholeike ng'oliba kyabazinga wa Siria.”

Zabbuli 126:3

Mu butuufu Musengwa Katonda atukoleire ebyewuunhisa era tusangaire.

Okuvaayo 10:19

Era Musengwa Katonda yaakyusa empewo ey'e buvandhuba, yaaviira e bugwandhuba n'amaani, yaasitula enzige yaadhisindiikiriza, yaadhituusa mu Nhandha Emyufu. Mu nsi yoonayoona Misiri timwasigala nzige naire endala eti.

Okuvaayo 8:14

Baabibunga byavaamu emungo kamaala, ekiwunha kyaidhula Misiri.

Isaia 34:3

Abantu abaliitibwa tibaliziikibwa, aye balisigala bw'agho ekiwunha kyagema woonawoona, n'ensozi dhaakuuluula bwa musaayi gwaibwe.

Ezekieli 47:18

“Ku luuyi olw'e buvandhuba, ensalosalo eriva e Hazari Enoni, ekiri ghagati gh'e Haurani n'e Damasiko, yaaja ng'enonereza omwiga Yorudani ghagati gha Gileadi n'ensi Isiraeli. Agho yeeyongerayo ku Nhandha Eyomuunhu e buvandhuba, yaatuuka e Tamari.

Amosi 4:10

“Era ninze eyabasindikira ebibamba okubagwaku, ng'ebyo ebyagwa ku Bamisiri. Naita abaisuka baimwe mu lutalo era abazigu baaja n'embalaasi dhaimwe. Era naidhuza enhindo dhaimwe ekivundu eky'emirambo woonawoona ghe mwasimba weema dhaimwe. Aye era mwaloba okwira ye ndi.

Zekaria 14:8

Mu kiseera ekyo amaadhi amalungi galikuuluula nga gava mu Yerusalemu. Galyegabamu ghabiri agandi gaaja mu nhandha eri e buvandhuba, ate agandi gaaja mu nhandha eri e bugwandhuba. Galikuuluula omwaka gwonagwona nga tigalekera, ka bibe ebiseera eby'akasana oba eby'ekiinhogogo.

Malaki 3:11

Tiriganha bisiisa kuzikiriza birime byaimwe. N'emizabbibu gyaimwe tigiriroba kubala.

Amateeka Agokubiri 11:24

Buli kifo kye munaaniinangaku ekigere, kiidha kubanga kyaimwe. Ensalosalo dhaimwe dhinaavanga ku irungu ku luuyi olw'omukono omusaadha olw'e buvandhuba, dhaatuuka ku nsozi dh'e Lebanoni ku luuyi olw'omukono omugooda olw'e buvandhuba. Era dhinaavanga ku mwiga Eufurate mu buvandhuba, dhaatuuka ku Nhandha Eyaghagati mu bugwandhuba.