Yoeli 2:19 - Baibuli Ekibono kya Katonda 2014

¹⁹ Yairamu abantu be ati: “Bona eno, ndidha kubagha engaano, n'omwenge ogw'emizabbibu, n'omuzigo ogw'ebibala eby'emiti emyoliva, ebiidha okubaigusa. Era tikaabaleka kuba kivumo eri bamaghanga gandi.

Yoeli 2:19 ပူးပေါင်းရင်းမြစ်များ

Yeremia 31:12

Baliidha baayemba n'amaani nga basagamba ku lusozi Sioni. Era baaba basangaavu olw'ebirabo bye mbagha: engaano, omwenge ogw'emizabbibu, omuzigo ogw'ebibala eby'emiti emyoliva, entaama, n'ente. Baliba ng'oti n'enimiro efukirirwa amaadhi obukalamu, era nga tibadhulirira kintu kyonakyona.

Ezekieli 34:29

Ndireetera enimiro dhaibwe okuba engimu, naamalagho endhala mu nsi eyo. Era amaghanga agandi tigaliiramu kubavumanga kabiri.

Ezekieli 36:15

Tiriganha maghanga gandi kukuvumanga, waire okuleka abantu okukuswazanga, oba iwe ensi Isiraeli yeene okwirayo okufiirizanga eighanga lyo. Nze Musengwa Katonda ninze nkobye.”

Ezekieli 36:29

Ndibawonia byonabyona ebibaleetera obutaba balongoofu, era naaleetera engaano okubaalira einho, olwo endhala yaaloba kubalumaku naire.

Ezekieli 36:30

Ndireetera emiti egy'ebibala n'enimiro edh'emere okwama einho, endhala erobe kabiri kwirayo kubaluma na kubaswaza mu maghanga gandi.

Ezekieli 39:29

Ndiyugha omwoyo gwange ku b'eighanga Isiraeli, era tiriiramu kabiri kubalekulira agho. Nze Musengwa Katonda ninze nkobye.”

Hosea 2:15

Eyo ye ndimugheera amasamba ge ag'emizabbibu. Era ekyetebwa Ekiiko eky'Ebizibu ndikifuula omulyango ogwingira mu kusuubira. Era ng'ali eyo aliiramu okumpulira, nga bwe yampuliranga mu buto bwe mu kiseera kye yaviiramu e Misiri.

Hosea 2:21

Mu biseera ebyo nze Musengwa Katonda, ndiwulira okusaba kw'abantu bange Abaisiraeli, naalagira eigulu lyagwisa ku nsi amaadhi.

Hosea 2:22

N'ensi eribaza engaano, n'emizabbibu, n'emyoliva.

Yoeli 1:10

Enimiro dhaazika, eitaka lyawolongera; kuba engaano yazikirizibwa, emizabbibu mwe bakunha omwenge gyaniala, n'ebibala eby'emiti emyoliva mwe bakamula omuzigo byakala.

Yoeli 2:24

Ebifo aghakubirwa engaano biriidhula engaano, n'ebikunhiro eby'omwenge ogw'emizabbibu byaidhula omwenge, era n'ebifo aghakamulirwa omuzigo ogw'ebibala eby'emiti emyoliva byona byaidhula omuzigo.

Abalevi 26:5

Ebirime byaimwe binaabalanga inho, mwakuba engaano okutuukiza irala ni mu biseera eby'okunoga emizabbibu, era mwanoga emizabbibu okutuukiza irala ni mu biseera eby'okusigiramu engaano. Munaalyanga emere mwaiguta, era munaabanga n'emiraala mu nsi yaimwe.

Zekaria 8:12

Baidha kusiganga emere nga bali mu miraala, emizabbibu gibalenga ebibala, eitaka lyeyongerenga okubaaku ebirime, n'amaadhi gagwenga. Ebyo byonabyona ndibigha abantu b'eighanga lino abaawonagho.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Amateeka Agokubiri 11:14

Olwo aidha kugwisanga amaadhi mu nsi yaimwe mu biseera byago eby'omusambya n'eby'omutoigo. Olwo musobolenga okukungula engaano, n'okufuna omwenge ogw'emizabbibu n'omuzigo ogw'ebibala eby'emiti emyoliva.

Ruthi 1:6

Nga ghabiseeghooku entangama, Naomi yaawulira nga Musengwa Katonda yaidhukira abantu be yaabagha omwero ogw'emere. Olwo yeetegeka okuva mu Moabu ni banamwandu ba batabane be bombi.