Yoeli 1:2 - Baibuli Ekibono kya Katonda 2014

² Imwe abantu abakaire, muwulire kino imwe mwenamwena ab'omu mu Buyudaaya, mutege amatu. Ekintu ng'oti ni kino kibangaghooku mu biseera byaimwe oba mu bya badhaadha baimwe?

Yoeli 1:2 ပူးပေါင်းရင်းမြစ်များ

Yobu 12:12

Amagezi gaba na bakaire, n'okutegeera kwajiira ku nnaku edh'obulamu bw'omuntu.”

Yobu 15:10

Ife tuli ghano n'ab'envu era n'abakaire einho, abakulu okusinga ni lata wo.

Yobu 21:7

Ku lwaki abakola ebibi baghangaala ni bakairigha, nga bali n'obuyinza n'amaani?

Yobu 8:8

“Ndi kukusaba weebuuze ku magezi ag'ab'eira weetegereze badhaadha bye baazuula.

Zabbuli 49:1

Imwe abantu mwenamwena muwulire bino! Mutege kutu imwe mwenamwena ab'oku nsi,

Isaia 34:1

Imwe abantu ab'amaghanga goonagoona museete kumpi. Abantu mwenamwena mutege amatu muwulire. Iwe ensi idha owulirise, ghalala n'ebikulimu byonabyona.

Isaia 7:17

Musengwa Katonda alikuleetera iwe ebizibu, n'abantu bo, n'ab'endhu ya lata wo, nga tibibangaghooku okuva obwakyabazinga bwa Isiraeli lwe bweyawula ku bwa Buyudaaya. Kuba aja kubaleetera kyabazinga w'e Assiria.

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Hosea 4:1

Imwe Abaisiraeli muwulire Musengwa Katonda by'akoba. Ghaligho omusango gw'ali kulumiriza abantu ababa mu nsi eno, kuba abantu b'omu nsi eno ti beesigwa era ti ba kisa, waire okutya Katonda.

Hosea 5:1

“Imwe bakabona muwulire kino! Imwe Abaisiraeli mufeeyo ku kye nkoba! Imwe ab'endhu ya kyabazinga mutege kutu! Omusango baligubasalira; kuba e Mizipa mwafuukira abantu ekizibu ng'oti mutego, e Tabori mweraliikiriza abantu ng'oti lutuula olutegeibwa,

Yoeli 1:14

Mulangirire ghabeegho okusiiba, mwete abantu beesoloze ghalala. Musoloze abakulembeze n'abantu boonaboona ab'omu Buyudaaya, baidhe mu isinzizo lya Musengwa Katonda waimwe, mumulirire amaziga, ababeere.

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Amosi 3:1

Imwe Abaisiraeli abantu Musengwa Katonda be yatoola mu Misiri, muwulire Musengwa Katonda oyo by'aboogeireku.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 5:1

Imwe Abaisiraeli muwulire nze Amosi bwe ndi kubembamu olwembo olw'okubalira:

Mika 1:2

Abantu mwenamwena ab'amaghanga muwulirise; imwe mwenamwena ababa ku nsi mutege kutu. Muwulire! Musengwa Katonda aja kwogerera mu isinzizo lye ery'omu igulu. Aja kubaghaaku obudhulizi obunaabalumiriza.

Mika 3:1

Imwe abakulu ab'ebikunsu mu Isiraeli, muwulirise bino: Niimwe abateekwa okumanha abantu bwe bagwaniire okubisibwa mu butuufu.

Mika 3:9

Imwe abakulu ab'ebikunsu mu Isiraeli muwulire bino: mukyagha okukola ebituufu, era ebikolwa ebyandibaire ebirungi mwabifuulania byaba bibi.

Matayo 13:9

Ali n'amatu awulire.”

Matayo 24:21

kuba ghalibaagho okudaagadaaga okw'amaani, nga tikubangaghooku kutyo okuva ku mainhama ag'ensi, okutuuka buti, era okutaja kubaagho kabiri.

Okwolekebwa 2:7

“Ali n'amatu, awulire Mwoyo ky'akoba Ebikunsu eby'Abaikiriza mu Kurisito. Oyo aghangula, ndimuganha okulya ku muti ogw'obulamu oguli mu kifo kya Katonda eky'okwesiima.