Yoeli 1:13 - Baibuli Ekibono kya Katonda 2014

¹³ Imwe bakabona muvaale ekutiya mulire enaku, muwowoole imwe abagheereza ku alutaari. Imwe abagheereza ba Katonda wange, mwingire mu isinzizo musule nga muvaire kutiya olw'okunakughala; kuba tighakaali bigheebwayo bya mere ya mpeke waire ebigheebwayo eby'okunhwa ebireetebwa mu isinzizo lya Katonda waimwe.

Yoeli 1:13 ပူးပေါင်းရင်းမြစ်များ

2 Samueli 12:16

Kale Daudi yaasabira omwana oyo eri Katonda, yaasiiba, era yangiranga mu ndhu yaalambaalanga ghansi obwire bwonabwona.

1 Bakyabazinga 21:27

Ahabu bwe yawulira ebibono ebyo, yaakanulamu ebivaalo bye olw'enaku, yaavaala ekutiya. Yaaloba okulya emere, yaasulanga mu kutiya, era yaatambulanga nga munhiinkaavu ate nga mweraliikirivu.

Isaia 22:12

Era mu biseera ebyo, Musengwa Katonda Afuga Amagye, yali ali kubeeta mulire era mube mu nnaku, mumwe ku mitwe gyaimwe enviiri okudhimaliriraku ng'oti mpaata, era muvaale ekutiya.

Isaia 61:6

Aye imwe, abantu balibeetanga bakabona ba Musengwa Katonda, era abagheereza ba Katonda waife. Mulikozesanga obukombe bw'amaghanga, bwabaleeteranga imwe okuteebwamu ekinhagansi.

Yeremia 4:8

Kale ni muvaale ekutiya olw'enaku, mulire amaziga era muwowoole; kuba Musengwa Katonda akaatusungughaliire ekibitiriire.’ ”

Yeremia 9:10

Nze Yeremia naakoba nti: “Ndidha kulira amaziga nga ndirira ensozi, era mpowoole olw'ebyayiro ensolo mwe dhiriira; kuba bikaze era biziramu muntu abibitamu naire. Tokaawulira nte nga dhimooleramu. Enhonhi n'ensolo edh'omu nsiko dhaalumukamu dhaaja.”

Ezekieli 21:12

Iwe omuntu, lira amaziga era owowoole, kuba empiima eno eidhiriire bantu bange, n'abakulembeze boonaboona ab'omu Isiraeli. Baja kugheebwayo baitibwe ghalala n'abantu bange abandi boonaboona. Agho ni weekube ku bisambi weepampagule olw'okusoberwa.

Ezekieli 27:31

Ku lulwo baamwa emitwe gyaibwe okugimaliriraku enviiri ng'oti mpaata, baavaala ekutiya olw'okunakughala, era baagegenga olw'enaku eyabali ku myoyo embitirivu, baalira inho amaziga.

Ezekieli 7:18

Balivaala ekutiya baadhugumira olw'okutya, baamwa emitwe gyaibwe okugimaliriraku enviiri ng'oti mpaata, n'ensoni dhaabagema baaswala.

Hosea 9:5

Mulikola mutya ku nnaku edh'ebibinuko ebyalagirwa, enaku edh'okukuza embaga ya Musengwa Katonda?

Yoeli 2:12

Musengwa Katonda akoba ati: “Ni bweriba mperaano, kwona mwenenie bya bwenebwene. Mwire ye ndi nga musiiba era nga mulira amaziga.

Yoeli 2:14

Tomanha, oba katyo asobola okukyusa ekirowoozo kye yaabasonigha, yaaleka ng'abaghaire enkabi, mwabaza ebirime. Agho mwasobola okumugha ebigheebwayo eby'emere ey'empeke n'eby'okunhwa.

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Okubala 28:14

Era mwidha kugheerangaku ekigheebwayo eky'ebyokunhwa ekijiiraku, nga kya lita ibiri edh'omwenge ogw'emizabbibu ku buli nte ento enume, lita ndala n'ekitundu ku ntaama enkulu enume, ni lita ndala ku buli ntaama ento enume. Ekyo nga n'ekigheebwayo ekyokebwa ekya buli lusooka mu mwezi, okumalaku omwaka gwonagwona.

Okubala 28:4

Entaama eyindi ku edho mwidha kugighangayo ku nkyo, ate eyindi mugighengayo olw'eigulo.

Okubala 28:7

Era mwidha kugheerangayo ku ntaama eyo ey'oku nkyo ekigheebwayo eky'ebyokunhwa ebitamiiza nga kya lita ndala. Mwidha kukifukanga mu kifo ekitukuvu ng'ekigheebwayo eri nze Musengwa Katonda.

Okubala 29:6

Mubighengayo ghalala n'ekigheebwayo ekijiiraku eky'emere ey'empeke n'ekigheebwayo ekijiiraku eky'ebyokunhwa, nga mwongereza ku kigheebwayo ekyokebwa eky'omwezi ogwakaboneka. Akawoowo kaakyo kansangaaza nze Musengwa Katonda.

1 Ab'e Korintho 4:1

Agho ni mukimanhe nga tuli bagheereza ba Kurisito abaateebwagho okuba abakuumi ab'amazima g'ekyama kya Katonda.

1 Ab'e Korintho 9:13

Timwidhi ng'abo abakola mu isinzizo balya ku bya mu ndhu ya Katonda, era n'abo abagheereza ku alutaari ya Katonda bafuna omugabo gwaibwe okuva ku bigheebwayo ku alutaari?

2 Ab'e Korintho 11:23

Abo bagheereza ba Kurisito? Nze mbasinga. Nga ndhogera ng'omulalu, mbasinga okukola einho. Nsibiibwa mu ikomera emikuzi kamaala okubasinga. Nkubiibwa emikuzi kamaala okubasinga, era emikuzi mingi naabulaku katono n'okufa.

2 Ab'e Korintho 3:6

Oyo n'eyatusobozesa okuba abagheereza ab'endagaano empyaka, etali ya mateeka maghandiike aye ey'amateeka aga Mwoyo. Amateeka amaghandiike galeeta kufa, aye Mwoyo aleeta bulamu.

2 Ab'e Korintho 6:4

Aye mu byonabyona bye tukola twoleka nga tuli bagheereza ba Katonda nga tugumira n'obuguminkiriza okudaazibwadaazibwa, ebizibu, ebibamba,

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”