Yobu 9:7 - Baibuli Ekibono kya Katonda 2014

⁷ Alobera endhuba okuvaayo; yaaghemba ku muunienie dhaaloba kwaka.

Yobu 9:7 ပူးပေါင်းရင်းမြစ်များ

Yobu 37:7

Ayemereza emirimo gya buli muntu, abantu boonaboona be yatonda bamanhe by'akola.

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Amosi 4:13

A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Amosi 8:9

Ku lunaku olwo, ndiragira endhuba yaagwa mu kasana ghagati, era naasindika enzikiiza yaagema ku nsi.” Musengwa Katonda atyo bw'akoba.

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Yoshua 10:12

Olunaku Musengwa Katonda lwe yagha Abaisiraeli obughanguzi ni baghangula Abamori, Yoshua yaakoba Musengwa Katonda ebibono bino, ng'Abaisiraeli boonaboona bawulira, ati: “Iwe endhuba yemerera agho e Gibeoni era tovaagho; n'iwe omwezi obe ghaigulu gh'ekiiko eky'e Aiyaloni.”

Yoshua 10:13

Agho endhuba yaayemerera obutavaagho, n'omwezi gwasigala ghe gwali okutuusa Isiraeli bwe yamaliriza okubonereza abazigu be. Bino byaghandiikibwa mu kitabo kya Yashari. Endhuba yayemerera ghaigulu ku igulu, yaaloba kuvaagho olunaku lulamba.