Yobu 9:24 - Baibuli Ekibono kya Katonda 2014

²⁴ Yaghaayo ensi mu mikono gy'ababi bagifuge. Aghemba ku maiso g'abalamuzi balobe kusala misango mu butuufu. Oba Katonda ti n'akola ebyo, kale naani?”

Yobu 9:24 ပူးပေါင်းရင်းမြစ်များ

2 Samueli 15:30

Daudi yaaja ng'ali kulira amaziga, yaaniinaniina Olusozi olw'Emiti Emyoliva nga yeeghembereire omutwe olw'okunakughala, era ng'ali mu bigere byereere. Ni be yali nabo boonaboona baaja nga bali kulira amaziga, baaniinaniina nga beeghembereire emitwe.

2 Samueli 19:4

Kyabazinga yeeghemba mu maiso, yaawowoola ati: “Woowe, omwana wange Abusalomu! Woowe, Abusalomu omwana wange! Omwana wange!”

Yobu 10:3

Kirungi ki ky'ofuna mu kukayukira n'okunhooma ebintu mwene bye wakola n'engalo dho, ate n'osanhukira entegeka edh'ababi?

Yobu 12:17

Abafuzi b'ensi abamalamu amagezi, abalamuzi yaabafuula abasirusiru.

Yobu 16:11

Katonda ampaireyo y'ababi, yansuula mu ngalo dh'aboonooni.

Yobu 19:7

“Bona, ndi kwasiikana nti, ‘Bandhita’, aye ghaabula ampulira; ndi kukuba enduulu aye ghazira ali kumbisa mu butuufu.

Yobu 22:8

Olw'okuba oli wa buyinza, eitaka lyonalyona walyefuga ng'olirekaku abo bonka abagonzi y'oli.

Yobu 24:12

Abantu abali kufa basinda mu kibuga, n'abafumitiibwa baalira, aye Katonda yaaloba kufaayo ku bisobyo bikolebwa.”

Yobu 24:25

Oba nga ti bwekiri, naani anaanumiriza ati ndi muguya, era n'ayoleka ati bye ndhogera muzira nsa?”

Yobu 32:2

Aye Elihu, mutabane wa Barakeli Omubuza, ow'oku lulyo lwa Ramu, yaasungughala inho kuba Yobu yeeyeta aziraku musango, yaanenia Katonda.

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Yeremia 14:4

Abalimi basoberwa, beeghemba mu maiso nga baswaire, olw'amaadhi obutagwa eitaka ni libbalanguka.

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Malaki 2:17

Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”