Yobu 9:10 - Baibuli Ekibono kya Katonda 2014

¹⁰ Akola eby'amaani bye tutategeera, n'ebyewuunhio ebitabalika.

Yobu 9:10 ပူးပေါင်းရင်းမြစ်များ

Yobu 37:23

Okumanha nga Aghanga Ebintu Byonabyona wa bukumu inho, titusobola kuseeta gh'ali. Mutuufu, tasaliriza era azira muntu y'anhigiriza.

Yobu 37:5

Okutyabuka kw'amamiro ga Katonda kwewuunhisa! Akola ebyewuninkiriza ebitulema okutegeera.

Yobu 5:9

Oyo akola eby'amaani bye tutasobola kutegeera bukalamu, era n'ebyewuunhisa ebitabalika.

Zabbuli 136:4

Oyo ni yenka akola ebyewuunhio ebikologho; okugonza kwe tikukoma, kubaagho byanda na byanda.

Zabbuli 145:3

Musengwa Katonda mukologho, era ni yenka agwaine okusinzibwa; ghazira muntu ategeera bukalamu bukologho bwe.

Zabbuli 71:15

Omusana n'obwire ndidha kukoberanga abantu ebikolwa byo eby'obutuufu, mbakoberenga n'ebyo eby'obulokozi, waire nga tisobola kubitegeera kubimalayo.

Zabbuli 72:18

Musengwa Katonda asaakibwe, Katonda wa Isiraeli, ni yenka akola ebyewuunhisa.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Omulangirizi 3:11

Yaakola buli kintu nga kija bukalamu mu kiseera kyakyo. Yaata mu bantu omwoyo ogwenda okumanha ebyaligho, n'ebirigho, era n'ebiribaagho, aye yaaloba kubagha kumanha mwene Katonda by'akola okuva mu kwinhama okutuuka ku nkomerero.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Ab'Efeso 3:20

Katonda oyo asobola okukola ebisinga n'ebyo bye tusaba, oba ebyo bye tutegeera, olw'amaani ge agakolera mu ife,