Yobu 7:9 - Baibuli Ekibono kya Katonda 2014

⁹ “Ng'ekire bwe kiwaagho ni kibula, n'omuntu aika e magombe atyo bw'atairayo kuboneka.

Yobu 7:9 ပူးပေါင်းရင်းမြစ်များ

2 Samueli 12:23

Aye buti amaze okufa, kale lwaki nsiiba? Nkaaghanga okumwiza? Luliba lulala nze naaja y'ali, aye mwene taja kwira ye ndi.”

2 Samueli 14:14

Twenatwena tuja kufa, era tuli ng'oti maadhi agayuyiike ku itaka omuntu g'atasobola kuyoolagho kabiri. Aye Katonda taja kutwala bulamu bwa muntu ali kusala amagezi ag'okwiza oyo ye baabinga ali kudaagiradaagira eyo.

Yobu 10:21

nga nkaali kuja mu nsi eyo ey'ekinsense n'enzikiiza etiisa einho, ye ntaja kuva naire;

Yobu 11:8

Bigulumivu okusinga eigulu. Oghanga kukola ki? Biika ghansi okusinga e magombe. Oghanga kubimanha otya?

Yobu 16:22

Kuba emyaka mitono gye nsigaiza, ntambule okuja eyo ye ntaliva kwira.”

Yobu 17:13

E magombe ni yonka ye nsuubira okuba amaka gange, neeyalire eyo obuliri, ntenduke mu nzikiiza.

Yobu 17:16

Ndiikirira n'eisuubi eryo e magombe? Tulija nalyo tutyo eyo mu itaka?”

Yobu 3:13

Kuba olwo nandifiire naasirika, era nanditendwike naawuumula,

Yobu 30:15

Ebintiisa bindidhira. Ekitiibwa kyange kijiire ng'oti mpewo. Eisuubi ery'okuwona kwange libise ng'oti kire.”

Yobu 37:11

Ekire ekigemu akiidhuza amaadhi, ebire byabunia woonawoona okumyansa kwe.

Zabbuli 39:13

Otaaningirira na bukambwe, ndeka nfuneku eisanhu, nga nkaali kufa na kubulagho.

Isaia 26:14

Abo buti bafu era tibaliiramu kabiri kuba balamu; abo buti mizimu buzimu egitaja kwiramu bulamu naire. Kuba wababonereza waabazikiriza, era tighalibaagho abaidhukira kabiri.

Isaia 38:11

Nali nkoba nti olwo tikairayo kubona Musengwa Katonda, mu nsi ey'abalamu, waire okwirayo okubona abantu abagibaamu.