Yobu 7:4 - Baibuli Ekibono kya Katonda 2014

⁴ Bwenambaala obwire buba ng'oti n'obutaakye; neegalula mu buliri, neesinwa, naakoba mule nti, ‘Obwire bunaakya li?’

Yobu 7:4 ပူးပေါင်းရင်းမြစ်များ

Yobu 17:12

Bakagwa bange obwire babweta musana, enzikiiza bw'eba erikugema, bati bunaatera okutangaala.

Yobu 30:17

Obwire amagumba gaanuma; obulumi bwe ndi nabwo tibusalaku.

Zabbuli 109:23

Ndi kuwaagho ng'oti n'ekinsense ekyeigulo ng'endhuba egwire, era baamansulira bw'ere ng'oti nzige.

Zabbuli 130:6

Nteegerera Musengwa Katonda nga neesumba okusingaku n'abakuumi ab'obwire bwe beesumba obwire bukye; okusingaku abakuumi bwe bateega nga beesumba enkyo lituuke.

Zabbuli 6:6

Ndi munafu mwene olw'okusula nga nsinda. Obwire bukya ng'obuliri bwange buboze olw'okulira, n'akaito ke neeziziike kaatoonha amaziga.

Zabbuli 77:4

Obwire bwonabwona tanganha kutenduka ku ndoolo naire; ndi mweraliikirivu tisobola na kwogera.

Isaia 54:11

Musengwa Katonda akoba ati: “Iwe ekibuga Yerusalemu odaazibwadaazibwa era oyuuzibwayuuzibwa kiwunga, ghaaloba kubaagho akugumyaku naire. Aye bona eno, ndikuzimbisa amabaale ag'okudholigadholiga, emisingi gyo naagizimbisa amabaale ag'omughendo ageetebwa saffiro.

Amateeka Agokubiri 28:67

Enkyo bwerinaatukanga mwidha kukobanga muti, ‘Ngoli lino igulo!’ Ate eigulo bwerinaatuukanga mwidha kukobanga muti, ‘Ngoli lino nkyo!’ Ebyo mwidha kubyogeranga olw'emyoyo gyaimwe okwezinduka buli kye mubona.