Yobu 7:21 - Baibuli Ekibono kya Katonda 2014

²¹ Kale lwaki tonsonigha kiisi kye nasobya kyonakyona, n'osasaagho ekibi kyange? Kuba mpegaano nja kufa nhingire eitaka, era olija okundhagala nga tikaaligho.”

Yobu 7:21 ပူးပေါင်းရင်းမြစ်များ

2 Samueli 24:10

Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

Yobu 10:14

Waneekalirisanga obone oba nga nkola ekibi, olwo olobe okukinsonigha.

Yobu 10:9

Idhukira nga wampumba mu itosi. Onandhizaayo wanfuula enkungu kabiri?

Yobu 13:19

Naani anaanumiriza omusango? Kuba neetegeike okusirika era nfe bwe guba gunsinze.

Yobu 14:10

Aye omuntu afa yaaweeramu irala; bw'agheera ogw'enkomerero aba nga takaaligho.

Yobu 17:14

Ndhete amagombe lata, n'enhengere ndheete maama era ndheete baanhinaze.

Yobu 20:8

Alibulagho ng'oti kirooto oba ng'oti kubonekerwa kwa mu bwire. Era taliirayo kubonekaku kabiri.

Yobu 27:19

Aja okutenduka nga mukombe, aye yaaloba kwirayo kuba mukombe kabiri. Aja okuzibula amaiso ati, ng'obukombe bwe bubuzeegho.

Yobu 3:13

Kuba olwo nandifiire naasirika, era nanditendwike naawuumula,

Yobu 33:9

‘Nziraku musango, ghazira kikyamu kye nakola. Nziraku kye nvunaanibwa era nziraku kibi.

Yobu 7:8

Eriiso ly'oyo aningirira buti tiririirayo kumbonaku kabiri; amaiso go galiinoonia aye nga tikaaligho.”

Yobu 8:1

Agho Bilidadi Omushuhi yairamu ng'akoba ati:

Yobu 9:28

ndidhula okutya olw'okudaazibwadaazibwa kwange kuba ndidhi nti Katonda talikobaku ati nziraku musango.

Zabbuli 103:15

Enaku edh'obulamu bw'omuntu ntono ng'oti n'eisubi lye dhimala. Omuntu akula bukalamu yaagimuka ng'oti kimuli kya mu nsiko,

Zabbuli 37:36

Aye olundi naja okubitayo nga takaaliyo, naamwagalaku aye naaloba kumubona.

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Isaia 64:9

Kale ni otatusungughalira kibitiriire, waire okutuvunaana ebibi byaife ebyanda n'ebyanda. Tugemerwe ekivunika, kuba twenatwena nga bw'otubona tuli bantu bo.

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

1 Yoanne 3:5

Mwidhi nga Kurisito yaidha okutoolagho ebibi era mu oyo muzira kibi.