Yobu 7:18 - Baibuli Ekibono kya Katonda 2014

¹⁸ era n'okumwekebeedha buli nkyo, n'okumuleba buli kaseera?

Yobu 7:18 ပူးပေါင်းရင်းမြစ်များ

Amainhama 22:1

Ebyo nga biwoire, Katonda yaaleba Aburahamu yaamweta ati: “Aburahamu!” Aburahamu yaavugira ati: “Ndi ghano.”

Yobu 14:3

Kale iwe Katonda waadaaga okulingirira omuntu ali atyo, era waamuleeta mu maiso go omusalire omusango?

Yobu 23:10

Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Zabbuli 73:14

Ndaazibwadaazibwa okugwisa endhuba, naabonerezebwa buli nkyo.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okuvaayo 32:34

Aye iwe ja okulembere abantu obatuuse mu kifo ekyo kye nakukoba. Era, bona eno, malaika wange aidha kukukulembera. Aye era ekiseera kiidha kutuuka mbabonereze olw'ekibi kyaibwe ekyo.”

Isaia 26:14

Abo buti bafu era tibaliiramu kabiri kuba balamu; abo buti mizimu buzimu egitaja kwiramu bulamu naire. Kuba wababonereza waabazikiriza, era tighalibaagho abaidhukira kabiri.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Danieli 12:10

Abantu kamaala balinaazibwa, baatukuzibwa era baizibwa buyaaka. Aye ababi balyeyongera bwa kukola bibi, era ezira waire omulala ati ku babi abo alitegeera. Aye abagezi balitegeera.

Zefania 3:5

Aye Musengwa Katonda ali mu kibuga omwo, era akola bituufu byonka, takola kibi. Buli nkyo, aghazira kwosaamu, ayoleka ng'aziramu kwekubira. Aye abatenda kujiira ku mazima tibabaamu na nsoni, bongera kukola bibi.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Amateeka Agokubiri 8:16

Yabagha mannu mwalya mu irungu, emere badhaadha baimwe ye baali nga tibalyangaku.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.