Yobu 7:11 - Baibuli Ekibono kya Katonda 2014

¹¹ Kale tiidha kusirika, ndidha kulira obughafu bwange, ndidha kwogera enaku endi ku mwoyo.

Yobu 7:11 ပူးပေါင်းရင်းမြစ်များ

Amainhama 42:21

Agho baakoba ati: “Bwenebwene omusango gwatusinga olwa muganda waife, kuba twabona obulumi bwe yalimu ng'ali kutweghemba tumusaasire aye twaloba kuwulirisa, kye tuviire tudaazibwadaazibwa tuti!”

Yobu 10:1

“Neesiniirwa obulamu, ndidha kwemuluguunhia abantu bawulire, ndidha kwatula enaku endi ku mwoyo.

Yobu 10:15

Bwe nkola ekibi, olwo mba nga nkagwireku! Ni bwe nkola ekituufu nsigala nga neewumbye naidhula ensoni, era naawaamu olw'okudaazibwadaazibwa.

Yobu 13:13

“Musirike, muleke nze ndhogere, ebintuukaku bintuukeku.

Yobu 16:6

“Aye ni bwe ndhogera ntya, obulumi bwange tibuwoleera. Ni bwe nsiriikirira ntya, tighegheeraku naire.

Yobu 21:25

Abandi baafa n'ekikansu ku mwoyo, nga tibabangaku basangaavu naire.

Yobu 23:2

“Olwaleero era ndi kwemuluguunhiza Katonda bubi inho; tisobola kulekera kusinda olw'obulumi.

Yobu 36:21

Weegendereze olobe kukola bibi, kuba Katonda yakusindikira okudaazibwadaazibwa kukuwonie ebibi byo.”

Yobu 6:26

Mudhuuba muti musobola okungalagira mu bye nkobye, ate nga beene imwe muli kumbona ng'omuntu ali kwogera eby'obwereere, ebiri ng'oti mpewo?

Yobu 9:27

Bwe nkoba nti, ‘Ka neerabire okwemuluguunhia kwange, mmwenheku, nsangaale,’

Zabbuli 39:3

omwoyo gwaneeghanika. Ye nakoma okudhuubiriza, n'omwoyo ye gwakoma okuneeghanika. Agho n'okukoba nti:

Zabbuli 40:9

Naja mu bantu bo abeesoloiza okukusinza, naabakobera amawulire amalungi ag'okulokolwa. Wo Musengwa Katonda, nga bw'oidhi tija kulekera kugalangirira.

Isaia 38:15

Tiidhi na kya kwogera, kuba Musengwa Katonda mwene n'aleeteire ebyo okubaagho. Ndi n'enaku nhingi ku mwoyo, n'amaani gampoiremu. Era tikaatenduka na ndoolo.

Isaia 38:17

Bwenebwene okuba n'enaku enhingi nakufunamu omuganhulo; kuba iwe olw'okungonza einho wamponia amagombe agazikiriza, wansonigha ebibi byange byonabyona.

Luka 22:44

Yaawulira enaku mu mwoyo, yaasaba inho, yaagezimula era olugezi lwaba ng'oti matondo ga musaayi n'agali kutoonha ku itaka.]

2 Ab'e Korintho 2:4

Nabaghandiikira nga ndi n'enaku nnene inho ku mwoyo, era nga ndi bwa mu maziga. Ekigendererwa kyange tikyali kubalumya, aye kubooleka nga bwe mbagonza einho.

1 Samueli 1:10

Hanna yaaja yaasaba Musengwa Katonda nga munakughavu inho, era ng'ali kulira amaziga inho.