Yobu 7:1 - Baibuli Ekibono kya Katonda 2014

¹ “Obulamu bw'omuntu buba bwa kukakaalukana ku nsi. Enaku dhe dhoonadhoona dhaaba dha kukola mirimo mikalangufu.

Yobu 7:1 ပူးပေါင်းရင်းမြစ်များ

Yobu 10:17

Onumba buyaaka okundaazadaaza weeyongera okunsungughalira era wansindikira ebizibu kamaala, ebiri ng'oti n'ebikunsu kamaala eby'abalwani ab'amaani.”

Yobu 14:1

“Buli muntu azaalibwa mukazi, era obulamu bwe buba bumpi ate nga bwidhwire bizibu.

Yobu 5:7

Aye abantu beene n'abaazaalirwa okuba n'ebizibu, ng'oti n'obusambuka bw'omuliro bwe busambukira ghaigulu nga buva ku muliro.”

Yobu 7:2

Ng'omwiru bwe yeegomba okuwuumulaku mu kiwoleeze, era ng'omupakasi bw'asuubira empeera ye,

Zabbuli 39:4

“Wo Musengwa Katonda, nkusaba ommanhise enkomerero yange n'ekigero ky'enaku dhange, mmanhe obumpi bw'obulamu bwange.”

Omulangirizi 8:8

Ghazira muntu ali na buyinza bwa kulobera ku bulamu bwe, oba okusalagho olunaku lw'alifiiraku. Ng'olutalo bwe lutaganha ole alulimu okuluvaamu, n'ekibi kityo bwe kitalekula ole akikoze.

Isaia 16:14

Aye mpegaano Musengwa Katonda akoba ati: “Mu myaka esatu gyonka, ebitiibwa bya Moabu biriba nga tibikaaligho. Ku bantu baakyo waire nga bangi batyo, batono bati n'abalisigalagho ate nga tibakaali na maani naire.”

Isaia 21:16

Agho Musengwa Katonda yankoba ati: “Mu mwaka mulala gwonka guti, ebitiibwa bya Kedari biriba nga tibikaaligho.

Isaia 38:5

Yaamukoba okwirayo akobe Hezekia ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kwongera emyaka ikumi n'etaanu ku bulamu bwo.

Isaia 40:2

Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Abalevi 25:50

Anaateesanga n'oyo eyamugula, baabalirira emyaka okuva mu kiseera kye yeetundiramu okutuuka ku mwaka omutukuvu, memale olwo omughendo gw'asasula okwenunula gwagererwa ku mpeera y'omukozi egwanira emyaka egyo.

Amateeka Agokubiri 15:18

Aye omwiru wo bw'anaabanga nga tayenze kusigala n'iwe, otawuliranga mule bubi ng'omulese okugolola nga wa idembe. Kuba anaabanga ng'akukoleire emyaka mukaaga, ng'egyo n'emirimo gy'okubisaamu emikuzi ebiri mu egyo omukozi akolera empeera gy'akola. Bw'onaakolanga otyo, Musengwa Katonda wo aidha kukughanga enkabi mu byonabyona by'onaakolanga.”