Yobu 6:21 - Baibuli Ekibono kya Katonda 2014

²¹ Mwena muli ng'oti n'obwiga obwo ye ndi, kuba mubona nga ndi mu kabi, mwatya butye.

Yobu 6:21 ပူးပေါင်းရင်းမြစ်များ

Yobu 13:4

Aye imwe mwogera bya buguya okughemba ku mazima muli ng'oti n'abayigha abatasobola kuwonia muntu.

Yobu 19:19

Bakagwa bange einho bankyaye; abo be nagonzanga einho baneegaine.

Yobu 6:15

Aye bakagwa bange tibeesigika, bali ng'oti n'obwiga obubaamuuku amaadhi, ate ni gamala gakamiira.

Yobu 6:22

Mbakobyeku nti, ‘Mumpe ekirabo?’ Oba nti, ‘Mutoole ku byaimwe mugheeyo enguzi ku lwange?’

Zabbuli 38:11

Bakagwa bange be nabitanga nabo buti tibenda na kuseeta ye ndi olw'obulwaire obwantuukaku, n'abekika kyange beene buti baba bw'ere.

Zabbuli 62:9

Abantu abayabayaba bali ng'oti muuka gwa mu nhindo; ate abantu abakologho biwooboloolo, boonaboona bw'obata ku minzaani teika, eja bwa ghaigulu; bagheghere okusinga omuuka ogw'omu nhindo.

Ensambo 19:7

Omwavu akyayibwa aboluganda be boonaboona, era bwe kituuka ku bakagwa be, bamwesamba bwesambe! Ni bw'abeetereza atya tibaidha.

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Yeremia 51:9

Abagwira abaabanga mu Babilonia baakoba bati, ‘Twagezaaku okuyamba ensi Babilonia eno, aye nga tikikaasoboka naire. Kale ife ka tugiveemu twireyo ewaife ye twava, kuba Katonda abonereiza inho Babilonia eno, yaagisaanizaagho irala.’ ”

Matayo 26:31

Agho Yesu yaabakoba ati: “Imwe mwenamwena, obwire bwaleero, mwidha kuneegaana kuba kyaghandiikibwa kiti, ‘Ndiita omwayi, n'entaama edh'omu kisibo dhaasansaana.’

Matayo 26:56

Aye bino byonabyona bibairegho okutuukiriza ebyo ebyaghandiikibwa abalanzi.” Agho Abeegeresebwa boonaboona baamuleka baalumuka.

2 Timotheo 4:16

Lwe neewozaaku olwasooka ghazira yali ku luuyi lwange, boonaboona bandekulira agho. Aye Katonda mmusaba alobe kubalanga ekyo!