Yobu 6:14 - Baibuli Ekibono kya Katonda 2014

¹⁴ “Omuntu ali mu buzibu ng'oti ni buno bwe ndimu, agwaine okuyambibwa baine, ni bw'aba nga yeegaine Katonda oyo Aghanga Ebintu Byonabyona.

Yobu 6:14 ပူးပေါင်းရင်းမြစ်များ

Amainhama 20:11

Aburahamu yairamu ati: “Kuba nabaire ndowooza nti eno ezira atya Katonda, kale nga basobola okundhita olwa mukazi wange.

Yobu 1:5

Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Yobu 15:4

Otuuse okulobera abantu okutya Katonda, n'okuja mu maiso ge okumusaba.

Yobu 16:5

Nandyogeire ebibagumya na munwa bunwa gwonka, era bye nandibakobye obukobe byandibamaze okubawoleezaaku ku bulumi bwaimwe.”

Yobu 19:21

Munsaasire, munsaasire imwe bakagwa bange, kuba Katonda ankubye.

Ensambo 17:17

Ab'omukago bagonzania enaku dhoonadhoona, n'aboluganda baabaagho okuyambagana mu bizibu.

Ensambo 25:19

Okwesiga omuntu ateesigika mu biseera ebizibu, kuli ng'oti kulya na liino irwaire, oba kutambula na kigere ekibinwike.

Zekaria 7:9

“Nze Musengwa Katonda Afuga Amagye nagha ira abantu bange ebiragiro bino nti, ‘Musalenga emisango mu butuufu, buli muntu agemerwenga mwine ekivunika era amusaasirenga.

Luka 23:40

Aye mwine yaamukaabukira ati: “Obwo iwe totya Katonda? Olw'okuba tuli ku kibonerezo n'ekirala!

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.

1 Ab'e Korintho 12:26

Bwe ghabaagho ekitundu eky'omubiri ekirumizibwa, ebitundu ebindi birumizibwa ghalala nakyo. Era bweghabaagho ekitundu ekigheebwa ekitiisa, ebitundu ebindi bisagambira ghalala nakyo.

2 Ab'e Korintho 11:29

Bwe ghabaagho anafughaire, zeena nnafughala bweghabaagho agwisiibwa mu kibi, nsiriira omwoyo.

Ab'e Galatia 6:2

Buli muntu ayambenga mwine, olwo mube nga mutuukiriiza eiteeka lya Kurisito.

Abaheburayi 13:3

Mwidhukirenga abasibe nga muli ng'oti mwena muli basibe ghalala nabo. Era mwidhukirenga abo abadaazibwadaazibwa, kuba era mwena mukaali mu mubiri.