Yobu 6:10 - Baibuli Ekibono kya Katonda 2014

¹⁰ Ekyo kyandindhizizaamu amaani, naasagamba, era neerabira n'obulumi obungi bwe ndimu; kuba tirobangaku Omutukuvu oyo by'alagira.

Yobu 6:10 ပူးပေါင်းရင်းမြစ်များ

Yobu 11:4

Kuba okoba oti by'oikiriza n'ebituufu; era oti Katonda abona ng'oziraku musango.

Yobu 15:11

Katonda by'akukolera okukugumya, obitwala nga bitono inho y'oli? Tukukobeire ebibono ebikalamu ku lulwe.

Yobu 21:33

Olukunkumuli lw'abantu lumugherekera nga baja okumuziika: abandi bakulemberamu ate abandi baavaaku einhuma, era bamuyughaku eitaka bukalamu kawola.

Yobu 22:22

Ikiriza by'akulagira, okuume ebibono bye mu mwoyo gwo.

Yobu 23:11

Ntambulira mu ngira y'abitamu, era tigivaamu kudaaliima.

Yobu 23:12

Nkola by'andagira; naajiira ku by'ayenda, se ti ebyo nze bye neegomba.”

Yobu 3:22

Basangaala inho era baasagamba, bwe bafa ni bateebwa mu magombe.

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 119:13

Nze mwene ndidha kulomboodheranga abantu amateeka go.

Zabbuli 119:50

Ni bwemba nga ndi mu buzibu, okusuubira okwo n'okumpa obulamu.

Zabbuli 37:30

Omunwa ogw'omuntu omutuufu gwogera bya magezi, era olulimi lwe lwogera bituufu.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Hosea 11:9

Tiribamaliraku busungu bwange obubitirivu, tiriirayo kabiri kubazikiriza; kuba nze ndi Katonda, se ti muntu buntu. Ninze Omutukuvu ali mu imwe, era tiribazikiriza.

Abalevi 19:2

akobere ekikunsu kyonakyona eky'Abaisiraeli ati: “Mubenga batukuvu, kuba nze Musengwa Katonda waimwe ndi omutukuvu.

Habakkuku 1:12

Wo Musengwa Katonda wange, oli Katonda okuva eira n'eira. Oli Mutukuvu ow'ebyanda n'ebyanda. Wo Musengwa Katonda, niiwe olubaale mwe twewogoma era niiwe walonda Abababilonia, waabafuula ba maani era waabagha okutubonereza.

Habakkuku 3:3

Katonda aidha kwidha kabiri ng'ava e Temani eky'omu Edomu; Omutukuvu oyo aidha kuviira ku nsozi edh'e Parani. Okumesunkana kwe kuja kumaamira eigulu lyonalyona, n'ensi yoonayoona emusaake.

Ebikolwa by'Abatume 20:20

Mwidhi nga ghazira kiisi kintu kyonakyona kiganhula, kye nabagisa. Nakibeegeresanga ghalala era naabeegeresa ndhu ku ndhu.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Ab'e Roma 8:32

Oyo ataasaasira na mwana we mwene, aye n'amughaayo ku lwaife twenatwena, aliroba atya okutugheera aghalala n'Omwana we oyo ebintu byonabyona?

Amateeka Agokubiri 29:20

Musengwa Katonda enkikidi y'egema ku lw'abantu be, taidha kusonighanga muntu oyo. Aidha kumutumbukizangaku obusungu bwe ng'oti muliro, ebikolimo byonabyona ebighandiikiibwa mu kitabo kino bimwidhirenga, okutuusa Musengwa Katonda lw'anaamusaanizangagho irala, ni yeerabirwa ku nsi.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati:

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”

1 Samueli 2:2

Ezirayo mutukuvu ng'oti ni Musengwa Katonda, ezira wundi naire; ezirayo lubaale lwa kwewogomamu luli ng'oti ni Katonda waife bw'atukuuma.