Yobu 5:5 - Baibuli Ekibono kya Katonda 2014

⁵ By'akungula biriibwa abo abali endhala, baatoolayo n'ebyo ebyakulira mu mawa; obukombe bwe bwegombebwa abo ababuguniriire.

Yobu 5:5 ပူးပေါင်းရင်းမြစ်များ

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

Yobu 1:15

abanhazi Abasabea baadhigwaku, baadhinhaga. Baita abagheereza bo boonaboona; era nze zenka ninze mponiegho okwidha okukukobera.”

Yobu 1:17

Oyo yali akaayogera, owundi yaidha yaakoba ati: “Abanhazi Abakaladea, nga beegabyemu ebikunsu bisatu, baidhie baagwa ku ngamiya, baadhinhaga. Baita abagheereza bo boonaboona; era nze zenka ninze mponiegho okwidha okukukobera.”

Yobu 12:6

Amaka ag'abanhazi gaba bukalamu, n'abo abasungughaza Katonda bazira kibatiisa; amaani gaibwe n'agafuuka katonda waibwe ye beesiga.”

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Yobu 20:15

Asesema obukombe bwe yaiba, Katonda yaabumutoola mu nda.

Yobu 20:22

Ekiseera ky'alibeeramu n'ebintu ebingi ebivuluudha, ebizibu kamaala birimwidhira yaadaagadaaga.

Yobu 22:10

Kyova mpegaano weezungulwirwa emitego, era waidhirwa ebitiisa ebikuzindula.

Zabbuli 109:11

Ole amubandha agwananga yaamugemaku ebibye byonabyona yaabitwala, n'abantu b'ataidhi baamukambulaku ebintu bye byonabyona bye yafuna mu maani ge.

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Yeremia 51:34

Kyabazinga Nebukadinezzari ow'e Babilonia yasalasala ekibuga Yerusalemu yaakirya. Yaakimalamu ebintu, kyasigala nga kikaya ng'oti n'ensugha ye bavudhumwiremu amaadhi. Yaaba ng'oti n'ogusota ogw'omu nhandha, yaakimira. Yaatwala buli kye yeerobozaamu, ebyasigalagho yaasuula ere.

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Okulira 2:16

Abazigu baimwe boonaboona babaziimuula, beesiimooza, baaluma emba nga bakoba bati: “Otyo, tukizikiriiza! Olunaku luno lulongoire lwatuuka twalubonaku, tubaire tumaze entangama nga tuluteegereire.”

Okulira 2:5

Musengwa yafuuka ng'oti muzigu wa Baisiraeli yaabazikiriza; yaazikiriza ebisaagaati eby'abakungu byonabyona era yaamenhamenha ebifo eby'okwewogomamu byafuuka bifulukwa byereere. Yaaleetera okulira mu Bayudaaya okweyongera.

Hosea 8:7

Nga bwe baasiga empewo era balikungula kiwunga ow'amaani. Engaano nga tetaireeku bifaaganda, terivaamu mere naire. Aye ni bweyanditaireku ebifaaganda n'ebala, era abagwira n'abandigiriire.

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.

Amateeka Agokubiri 28:51

Balirya ensolo dhaimwe n'emere yaimwe ye mulimye, aghazira kubalekeragho ngaano, na mwenge gwa mizabbibu, na muzigo gwa bibala bya miti myoliva, oba ente, n'entaama, n'embuzi. Balikola batyo okutuusa lwe balibasaanizaagho irala.

Abalamuzi 6:11

Agho malaika wa Musengwa Katonda yaidha mu kiketezo ekyetebwa Ofura. Yaatyama ghansi gh'omuti omukologho ogwa Yoashi Omubiezeri. Gideoni, mutabane wa Yoashi oyo, yali ng'ali kukuba ngaano mu kikunhiro ky'omwenge gw'emizabbibu, olw'okwenda okugikweka ku Bamidia.