Yobu 5:4 - Baibuli Ekibono kya Katonda 2014

⁴ Abaana be baba mu kabi; emisango gyaibwe gisalirizibwa abalamuzi, ghaabula aboogererayo.

Yobu 5:4 ပူးပေါင်းရင်းမြစ်များ

Yobu 1:19

kiwunga ow'amaani yaava mu irungu yaakuba ensonda eina edh'endhu, endhu yaabagwaku era bafiire; era nze zenka ninze mponiegho okwidha okukukobera.”

Yobu 10:7

Ate nga oidhi nga nze nziraku musango, era nga ghazira asobola kumponia n'antoola mu ngalo dho.”

Yobu 20:10

Abaana be baliiriza abaavu obukombe bweyali abaibyeku.

Yobu 27:14

Abaana be bazaala ni baala, baba ba kufa mpiima; eizaire lyaibwe tirifuna mere ya kulya erimala.

Yobu 8:4

Abaana bo bateekwa okuba nga baakola ekibi baamusungughaza, kyeyava n'abagha ekibonerezo kyaibwe ekibasaana.

Zabbuli 119:155

Abakozi b'ebibi tibaja kulokolebwa, kuba tibakola by'olagira.

Zabbuli 127:5

Yeesiimye oyo ali n'ekiruutu kye ekiidhwire obulaso obwo, kuba abazigu be tibaja kumusinga ng'ali mu kifo aghasalirwa ensonga.

Zabbuli 7:2

Tiikulwa nga bandhuzayuza ng'oti mpologoma, bankwekwebya nga ghazira n'ambeera.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Ensambo 24:7

Amagezi gaswikiriire inho okutegeera okw'omusiru, era azira ky'ayogera nga bali mu kifo eky'olwekobaano.

Amosi 5:12

kuba ndidhi ebibi byaimwe bwe byaga obungi, era naamanha emisango gye mwaiza bwe gyaga obunene. Mudaazadaaza abantu abatuufu, mwalya enguzi. Era mwafuulaniafuulania ensonga edh'abaghafu, mwabasaliriza mu mbuga dh'amateeka.

Yoshua 20:4

Omuntu oyo aghanga okulumukira mu kindi ku bibuga ebyo, era bw'atuuka eyo ali n'okuja aghasalirwa emisango, agho ku luya ku mulyango ogw'ekibuga, yainhonhola abataka abakulu ab'ekibuga ekyo byonabyona nga bwe byali. Bw'amala nga bamungiza mu kibuga nga bamugha agh'okubanga.