Yobu 5:22 - Baibuli Ekibono kya Katonda 2014

²² Endhala n'okuzikirira, biidha kubanga kintu kitono inho y'oli, era ensolo edh'omu nsiko toidhanga kudhitya;

Yobu 5:22 ပူးပေါင်းရင်းမြစ်များ

2 Bakyabazinga 19:21

Era bino Musengwa Katonda oyo by'akoba ku kyabazinga Sennakeribu oyo: “Ekibuga Sioni kikunhoomye, kyakusekerera iwe Sennakeribu; era ekibuga ekyo Yerusalemu kikukongoire.

Yobu 8:21

Aidha kukwiza enseko ku matama, era okube emizira.

Zabbuli 91:13

Olibita ghagati mu nsolo enkambwe, era waaniinirira emisota egy'obusagwa.

Zabbuli 91:6

Olumbe olukunkuna mu nzikiiza tiruukutiisenga, waire namuzisa okukwita omusana.

Isaia 35:9

Eyo teribaayo mpologoma, waire okubaayo ensolo yoonayoona enswankuzi eriidha okutambulira mu ngira eyo. Aye abo Musengwa Katonda b'alinunula n'abaligibitamu.

Isaia 65:25

Omusege n'entaama ento biidha kuliiranga ghalala, empologoma eryenga isubi ng'oti nte, n'omusota gulyenga enkungu nga n'emere yaagwo. Ku Sioni olusozi lwange olutukuvu, tikulibaaku kintu kituusa ku kiinaakyo bulumi, waire okukizikiriza. Nze Musengwa Katonda, ninze nkobye.”

Ezekieli 34:25

Ndikola nadho endagaano ey'emiraala, naamalagho mu nsi eyo ensolo enkambwe. Olwo entaama dhisobole okubanga eyo mu nsiko nga dhiri mu miraala, era dhitendukenga n'eyo mu bibira.

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.