Yobu 5:18 - Baibuli Ekibono kya Katonda 2014

¹⁸ Kuba aja yaakuba omuntu oluguma, aye yaamunhiga amabwa; akubisa engalo dhe omuntu, aye engalo dhe edho dhaamuwonia.

Yobu 5:18 ပူးပေါင်းရင်းမြစ်များ

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Isaia 19:22

Musengwa Katonda alibonereza Abamisiri, aye ate b'abonereiza alimala yaabawonia. Balikyukira y'ali baamusaba, era yaawulira okusaba kwaibwe yaabawonia.

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Abalevi 14:48

“Aye kabona bw'anaingiranga n'abona ng'endwaire teizeemu kuboneka mu ndhu eyo ng'emaze okwiramu okukubwa ni seminti ku bimante, anaagirangiriranga ati nongoofu, kuba endwaire ewonie.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

1 Samueli 2:6

Musengwa Katonda aita era yaizaagho obulamu; aserengesa omuntu ghansi e magombe, era yaamuzuukiza okuva e magombe.