Yobu 42:9 - Baibuli Ekibono kya Katonda 2014

⁹ Agho Elifazi Omutemani, ni Bilidadi Omushuhi, ni Zefari Omunaamathi, baaja, baakola nga Musengwa Katonda bwe yabalagira. Era Musengwa Katonda yaaganha okuwulira Yobu bye yabasabira.

Yobu 42:9 ပူးပေါင်းရင်းမြစ်များ

Amainhama 20:17

Aburahamu yaasaba Katonda, era Katonda yaawonia Abimeleki, ni mukazi we, n'abairu be abakazi, boonaboona baaba nga baghanga okuzaala.

Yobu 2:11

Agho bakagwa ba Yobu basatu: Elifazi Omutemani, Bilidadi Omushuhi, ni Zofari Omunaamathi, bwe baawulira ebizibu byonabyona ebyamugwaku, bonsatuli baasalagho okuja okumugumya.

Yobu 22:27

Aidha kukuwuliranga ng'oli ni ky'omusaba, era oidha kutuukirizanga ky'onaabanga weeyamye okukola.

Yobu 22:30

Awonia omuntu aziraku musango. Kale aidha kukuwonianga bw'onaabanga ng'oziraku kibi.”

Yobu 42:10

Agho Yobu bwe yamala okusabira bakagwa be, Musengwa Katonda yaamwirizaagho obukombe bwe; nga bwe yali nabwo mu mainhama okubyamu emikuzi ebiri.

Yobu 42:8

Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Ezekieli 14:14

Abantu bano abasatu: Noa, Danieli ni Yobu, ni bwe bandigibairemu, bandiwoniizaagho bwa bulamu bwaibwe bwonka olw'obutuufu bwaibwe.” Musengwa Katonda atyo bw'akoba.

Matayo 7:24

“Kale buli awulira ebibono byange bino n'abijiiraku afaanana ng'omusaadha omugezigezi eyazimba endhu ye ku lubaale:

Yoanne 2:5

Aye inhina yaakoba abagheereza ati: “Ky'abakoba kyonakyona kye mube mukole.”

Ebikolwa by'Abatume 10:33

Agho ni n'okukutumira mangu ago, era okoze bukalamu okwidha. Kale mperaano twenatwena tuli ghano mu maiso ga Katonda, okuwulira byonabyona Musengwa by'akulagiire.”

Ebikolwa by'Abatume 9:6

Aye situka oje mu kibuga. Eyo ye banaakukoberera ky'ogwaine okukola.”

Abaheburayi 11:8

Okwikiriza n'okwaleetera Aburahamu okuwulira Katonda bwe yamweta ave ku butaka, aje mu nsi ye yali aja okugheebwa ng'ekisuubizo, era yaaja nga taidhi y'aja.