Yobu 42:8 - Baibuli Ekibono kya Katonda 2014

⁸ Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Yobu 42:8 ပူးပေါင်းရင်းမြစ်များ

Amainhama 20:17

Aburahamu yaasaba Katonda, era Katonda yaawonia Abimeleki, ni mukazi we, n'abairu be abakazi, boonaboona baaba nga baghanga okuzaala.

Amainhama 20:7

Mpegaano ni, izaayo muka beene; kuba omusaadha oyo mulanzi, era aidha kukusabira obe mulamu. Aye bw'otaizeeyo mukazi, manha ng'oteekwa kufa, iwe n'abantu bo boonaboona.”

1 Ebyomubyanda 15:26

Baaghaayo omusengo ogw'ente enume musanvu n'entaama enume musanvu eri Katonda, kuba yasobozesa Abalevi okubbeeda Sanduuku y'Endagaano.

2 Ebyomubyanda 29:21

Baaleeta ente enume musanvu, n'entaama enume musanvu, n'entaama ento musanvu, n'embuzi enume musanvu. Ebyo nga n'ekigheebwayo olw'ebibi, ku lw'obwakyabazinga, ni ku lw'eisinzizo, ni ku lwa Buyudaaya. Era yaalagira bakabona baidhukulu b'Aaroni okubigheerayo ku alutaari.

Yobu 1:5

Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Yobu 1:8

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi.”

Yobu 22:30

Awonia omuntu aziraku musango. Kale aidha kukuwonianga bw'onaabanga ng'oziraku kibi.”

Yobu 35:8

Obubi bwo busobola kulumya muntu buntu ng'oti niiwe, n'ebirungi by'okola muntu ye biganhula.

Yobu 42:9

Agho Elifazi Omutemani, ni Bilidadi Omushuhi, ni Zefari Omunaamathi, baaja, baakola nga Musengwa Katonda bwe yabalagira. Era Musengwa Katonda yaaganha okuwulira Yobu bye yabasabira.

Zabbuli 103:10

Tatubonereza nga bwe tugwaniire olw'ebibi bye tukola, waire okutusasula ekibonerezo ekituukana n'okwonoona kwaife.

Okuvaayo 18:12

Agho Yethuro yaataagho ekigheebwayo ekyokebwa kyonakyona okuwaagho, n'emisengo egindi egy'okughaayo eri Katonda. Aaroni n'abakulu ab'ebikunsu mu Isiraeli boonaboona baidha balya ni mukoirume wa Musa mu maiso ga Katonda.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Yeremia 14:11

Agho Musengwa Katonda yankoba ati: “Yeremia, otadaaga kusabira bantu bano nze kubayamba.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Ezekieli 14:14

Abantu bano abasatu: Noa, Danieli ni Yobu, ni bwe bandigibairemu, bandiwoniizaagho bwa bulamu bwaibwe bwonka olw'obutuufu bwaibwe.” Musengwa Katonda atyo bw'akoba.

Ezekieli 45:23

Buli lunaku okumala enaku omusanvu edh'ekibinuko, aidha kutangagho ente enume musanvu entototo n'entaama enume musanvu nga dhiziraku kikyamu kyonakyona, dhibenga ekigheebwayo ekyokebwa. Era buli lunaku aidha kutangagho n'embuzi enume ndala, ebenga ekigheebwayo olw'ebibi.

Okubala 23:1

Balaamu yaakoba Balaki ati: “Nzimbira ghano alutaari musanvu, era ondeetere ghano ente enume musanvu n'entaama enume musanvu.”

Okubala 23:14

Yaamutwala mu musiri gwa Zofimu ku ngulu okw'olusozi Pisiga. Yaazimba alutaari musanvu era yaagheerayo ku buli ndala ente enume n'entaama enume.

Okubala 23:29

Balaamu yaakoba Balaki ati: “Nzimbira ghano alutaari musanvu, era ondeetere ghano ente enume musanvu n'entaama enume musanvu.”

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

2 Timotheo 4:14

Alekisandero omugheesi yankola bubi inho, aye Musengwa alimwesasuulizaaku olw'ebyo bye yankola.

Abaheburayi 10:4

kuba omusaayi gw'ente enume n'ogw'embuzi tigusobola kutoolagho bibi.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Yakobo 5:14

Ghaligho mu imwe omulwaire? Ayete abakulembeze ab'Ekikunsu eky'Abaikiriza mu Kurisito bamusabire, era bamusiige omuzigo mu liina lya Musengwa.

Yakobo 5:16

Kale ni buli muntu akoberenga baine ebibi bye mwene, era musabiraganenga, muwonezebwe. Okusaba okw'omutuukirivu kuli n'amaani mangi.

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.

1 Yoanne 5:6

Yesu Kurisito ono n'eyaidhira mu maadhi era ni mu musaayi. Tiyaidhira mu maadhi gonka aye mu maadhi era ni mu musaayi. Mwoyo amughaaku obudhulizi, kuba Mwoyo n'amazima.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.

1 Samueli 25:35

Agho Daudi yaikiriza okutoola ebyo Abigaili bye yamutwalira, era yaamukoba ati: “Irayo ewuwo n'emiraala. Mpuliire by'okobye, era ndhikiriiza okukola nga bw'okobye.”