Yobu 42:11 - Baibuli Ekibono kya Katonda 2014

¹¹ Agho baganda ba Yobu ni baanhina, ni boonaboona abaali bamwidhi baidha, baaliira ghalala naye ekiiwulo mu nnaku ye. Era baamusaasira olw'ebizibu byonabyona Musengwa Katonda bye yamutuusaaku. Buli muntu yaamugha ekitundu kya feeza n'empeta eya zaabu.

Yobu 42:11 ပူးပေါင်းရင်းမြစ်များ

Amainhama 24:22

Engamiya bwe dhaamala okunhwa, omusaadha yaatoolayo empeta eya zaabu ey'omughendo einho, n'obukomo bubiri obwa zaabu obw'omughendo omungi obw'okuvaala ku mikono.

Amainhama 24:53

Agho yaatoolayo ebintu ebyakolebwa mu feeza ni mu zaabu, yaatoolayo n'ebivaalo, yaabigha Rebekka. Era yaagha mwanhina Rebekka ni mukaire we ebirabo eby'omughendo einho.

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

Yobu 16:5

Nandyogeire ebibagumya na munwa bunwa gwonka, era bye nandibakobye obukobe byandibamaze okubawoleezaaku ku bulumi bwaimwe.”

Yobu 2:11

Agho bakagwa ba Yobu basatu: Elifazi Omutemani, Bilidadi Omushuhi, ni Zofari Omunaamathi, bwe baawulira ebizibu byonabyona ebyamugwaku, bonsatuli baasalagho okuja okumugumya.

Yobu 4:4

Ole bwe yeekontola omugemerera, yaaguma, yaaloba kugwa.

Ensambo 14:20

Omwavu akyayibwa ni bakagwa be beene, aye omukombe aba n'emikwano kamaala.

Ensambo 16:7

Omuntu bw'akola ebisanhusa Musengwa Katonda, Musengwa Katonda oyo afuula n'ababaire abazigu b'omuntu oyo baaba bakagwa be.

Yoanne 11:19

Era Abayudaaya kamaala baali baidhie okubona Maritha ni Maria n'okubasaasira olw'okufiirwa mwanhinaibwe.

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.

1 Ab'e Korintho 12:26

Bwe ghabaagho ekitundu eky'omubiri ekirumizibwa, ebitundu ebindi birumizibwa ghalala nakyo. Era bweghabaagho ekitundu ekigheebwa ekitiisa, ebitundu ebindi bisagambira ghalala nakyo.

Abaheburayi 12:12

Kale mugolole emikono gyaimwe egiruyiriire, mugumye ebivu byaimwe ebidhugumira.

Abaheburayi 13:3

Mwidhukirenga abasibe nga muli ng'oti mwena muli basibe ghalala nabo. Era mwidhukirenga abo abadaazibwadaazibwa, kuba era mwena mukaali mu mubiri.

Yoshua 24:32

Amagumba ga Yosefu, Abaisiraeli ge baidha nago okuva e Misiri, baagaziika e Shekemu mu itaka Yakobo lye yagula ku batabane ba Hamori lata wa Shekemu. Eitaka eryo yaligula ebitundu bya feeza kikumi, era lyafuuka obutaka obwa baidhukulu ba Yosefu.

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.