Yobu 42:10 - Baibuli Ekibono kya Katonda 2014

¹⁰ Agho Yobu bwe yamala okusabira bakagwa be, Musengwa Katonda yaamwirizaagho obukombe bwe; nga bwe yali nabwo mu mainhama okubyamu emikuzi ebiri.

Yobu 42:10 ပူးပေါင်းရင်းမြစ်များ

Amainhama 20:17

Aburahamu yaasaba Katonda, era Katonda yaawonia Abimeleki, ni mukazi we, n'abairu be abakazi, boonaboona baaba nga baghanga okuzaala.

2 Ebyomubyanda 25:9

Amazia yaakoba omuntu wa Katonda ati: “Ate nnaakola ntya talanta ekikumi, dhe mmaze okusasula eigye lya Isiraeli?” Omuntu wa Katonda yairamu ati: “Musengwa Katonda asobola okukugha n'ebisinga agho.”

Yobu 1:2

Yali n'abaana abalenzi musanvu, n'abaana abaghala basatu.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Yobu 42:9

Agho Elifazi Omutemani, ni Bilidadi Omushuhi, ni Zefari Omunaamathi, baaja, baakola nga Musengwa Katonda bwe yabalagira. Era Musengwa Katonda yaaganha okuwulira Yobu bye yabasabira.

Zabbuli 126:1

Musengwa Katonda lwe yatwiza mu Sioni, twali ng'oti tuloota buloote.

Zabbuli 14:7

Katonda agwananga yaaleetagho alizaawula Isiraeli ng'ava mu Sioni! Musengwa Katonda bw'aliiriza abantu be obukombe, aba Yakobo balisagamba, aba Isiraeli baasangaala!

Zabbuli 53:6

Katonda agwananga yaaleetagho alizaawula Isiraeli ng'ava mu Sioni! Katonda oyo bw'aliiriza abantu be obukombe, aba Yakobo balisagamba, aba Isiraeli baasangaala.

Ensambo 22:4

Abantu abawombeefu era abatya Musengwa Katonda, bafuna obukombe n'ekitiibwa n'obughangaazi.

Isaia 40:2

Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Isaia 61:7

Mulibanga mu nsi eyaimwe ku bwaimwe, obukombe bwaimwe bweyongerangaku obungi bwa mikuzi ebiri, mu kifo kyaimwe okwira agho okugemwanga obw'ensoni n'okunhoomebwa. Era eisanhu lyaimwe liribangagho ebyanda n'ebyanda.

Haggai 2:8

Feeza yeenayeena ni zaabu yeenayeena ebiri ku nsi, byange.

Okubala 12:13

Agho Musa yaasaba Musengwa Katonda ati: “Wo Katonda wange, nkweghembye muwonie.”

Okubala 12:2

Baakoba bati: “Musengwa Katonda ayogerera mu Musa yenka? Tayogereraku ni mu ife twena?” Musengwa Katonda yaabawulira nga beemuluguunhia.

Okubala 14:10

Aye abantu boonaboona abeesoloza baayenda bwa kubakuba mabaale. Agho ekitiisa kya Musengwa Katonda kyabonekera Abaisiraeli boonaboona ku Weema ey'Okwagaananirangamu ni Musengwa Katonda.

Luka 16:27

Omukombe yaakoba ati, ‘Niini nkweghembye lata, mutume eri ab'omu ndhu ya lata wange,

Ebikolwa by'Abatume 7:50

Ti ninze eyakola ebyo byonabyona?’

Ebikolwa by'Abatume 7:60

Yaakuba amakiryaivu, yaaleekaana ati: “Musengwa ekibi kino tokibavunaana.” Bwe yamala okwogera atyo yaafa.

Amateeka Agokubiri 30:3

Musengwa Katonda waimwe aidha kubagemerwanga ekivunika. Aidha kubasolozanga eyo mu maghanga goonagoona y'anaabasansaanizanga, abaize mwiremu okuba obukalamu.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

Amateeka Agokubiri 9:20

Era Musengwa Katonda yaasungughalira ni Aaroni, yaayenda na ku mwita. Kale nze naasabira ni Aaroni mu kiseera ekyo.

Yakobo 5:11

Abantu abo abaaguminkiriza tubeeta ba nkabi. Imwe mwawulira obuguminkiriza bwa Yobu era mwabona ni Musengwa bye yamukolera ku nkomerero, kuba Musengwa wa kisa era musaasizi.

1 Samueli 2:7

Musengwa Katonda ayavughaza omuntu era yaamukombaghaza; aisa omuntu ghansi era yaamugulumiza.

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.