Yobu 40:8 - Baibuli Ekibono kya Katonda 2014

⁸ Onaatuuka n'okuntwala okuba ng'asaliriza? Onaasalira nze omusango okunsinga, iwe oyetebwe omutuufu?

Yobu 40:8 ပူးပေါင်းရင်းမြစ်များ

Yobu 10:3

Kirungi ki ky'ofuna mu kukayukira n'okunhooma ebintu mwene bye wakola n'engalo dho, ate n'osanhukira entegeka edh'ababi?

Yobu 10:7

Ate nga oidhi nga nze nziraku musango, era nga ghazira asobola kumponia n'antoola mu ngalo dho.”

Yobu 13:18

Bona, nsengeike empoza yange bukalamu, ndidhi nga ndidha kwedheerera.

Yobu 16:11

Katonda ampaireyo y'ababi, yansuula mu ngalo dh'aboonooni.

Yobu 19:6

Aye mugwaine mukimanhe muti Katonda n'antuusisaaku ekyo, ng'anzingiza n'olutuula okungemya.”

Yobu 32:1

Agho abasaadha bale abasatu baalekera agho okwiramu Yobu, kuba yali yeekakasa ng'aziraku musango.

Yobu 32:2

Aye Elihu, mutabane wa Barakeli Omubuza, ow'oku lulyo lwa Ramu, yaasungughala inho kuba Yobu yeeyeta aziraku musango, yaanenia Katonda.

Yobu 34:17

Bwenebwene ngoli Katonda takola bituufu, yandighanze okufuga? Osobola okusalira Katonda ow'amaani era omutuufu, omusango okumusinga?

Zabbuli 51:4

Nasobya eri iwe mwene wenka, era naakola ebibi mu maiso go, kale oli mutuufu mu ky'oba ng'osazeegho, era tonenezebwa bw'oba ng'onsaliire omusango okunsinga.

Isaia 14:27

Musengwa Katonda Afuga Amagye ekyo ky'ategeike, era ghazira asobola kukirobera. Buti amaze okugalula omukono gwe okubonereza, era ghazira asobola kugwizaayo.

Isaia 28:18

Olwo endagaano yaimwe ye mwakola n'okufa naagimenhagho, n'entegeeragana ye mwataagho ghagati ghaimwe n'amagombe naagisazaamu. Era akabi namuzisa bwe kaliidha, kalibaleka nga kabatenteinetenteine.

Isaia 43:26

Mwidhukire eby'eira era tunoonereze ensonga. Mughe empoza yaimwe mwoleke nga bwe muli abatuufu.

Isaia 45:9

Akagwireku oyo atakania Eyamutonda, kuba aba ng'oti n'ekiwumbe bwe kyanditakainia ole akiwumbye. Aye nga bwenebwene eitosi lisobola okubuuza aliwumbisa liti: “Oli kuwumba ki?” Oba okukoba liti: “Ozira bukugu?”

Ab'e Roma 3:4

Busa, ti bwekiri. Katonda asigala nga wa mazima waire buli muntu aba nga muguya nga bwe kyaghandiikibwa kiti: “By'oyogera byoleka nga toguya era bwebakuwozesa niiwe osinga.”

Ab'e Galatia 3:15

Aboluganda, ka mbaghe eky'okuboneraku eky'omu bulamu obwabuliidho: Ghazira aghanga kudibya oba kukookera mu ndagaano emaze okukakasibwa.

Ab'e Galatia 3:17

Kino ni kye nkoba, Amateeka agaateebwagho nga ghabiseegho emyaka bikumi bina n'asatu (430), tigaadibya ndagaano yamala kukakasibwa Katonda, era tigaadibya kisuubizo kye.

Abaheburayi 7:18

Kale ekiragiro ekyasooka kyadibizibwa olw'obunafu bwakyo n'obutaba na muganhulo,