Yobu 40:4 - Baibuli Ekibono kya Katonda 2014

⁴ “Nze bwendi era bwendi, nnaakwiramu ntya? Ka ngeme bwa ku munwa, nsirike busirike.

Yobu 40:4 ပူးပေါင်းရင်းမြစ်များ

Amainhama 18:27

Aburahamu yaayogera kabiri ati: “Wo Musengwa, nsonigha okukana ni ndhogera n'iwe ntyo, ate nga nze ndi nkungu bukungu era eivu obuvu.

Amainhama 32:10

Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

2 Samueli 24:10

Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

1 Bakyabazinga 19:4

aye mwene yaatambula mu irungu olugendo lwa lunaku lulamba, yaaja yaatyama ghansi gh'omuti ogw'ekyeyo, yaasaba afe ng'akoba ati: “Wo Musengwa Katonda bye mboine bimala! Twala obulamu bwange mpegaano, kuba ghazira kye nsinga badhaadha bange!”

Ezera 9:15

Wo Musengwa Katonda wa Isiraeli, iwe osala mu butuufu, aye watusaasira twawonagho okutuusa ni mperaano. Bona, tuli ghano mu maiso go nga tuliku omusango, ate nga titugwaniire na kwemerera mu maiso go olw'omusango ogwo.”

Ezera 9:6

“Wo Katonda wange, nswaire inho era ensoni dhiri kungema okusitula amaiso ninge y'oli, iwe Katonda wange kuba ebibi byaife byebunze emungo etusinga n'obuleeyi, n'emisango gyaife gyebunga emungo etuuka ni ku igulu.

Nehemia 9:33

Aye ate, mu byonabyona ebyatutuukaku, iwe wali mutuufu okutubonereza, kuba iwe wasigala ng'oli mwesigwa, aye ife twayonoona bwonoone.

Yobu 16:21

Nandyenze ghabeegho ampolerezaayo ye Katonda, ng'oti n'omuntu bw'awolerezaayo muntu mwine, eri omuntu amuvunaana omusango.

Yobu 21:5

Muuningirire, mwewuunhie, era mugeme ni ku minwa!

Yobu 29:9

Abakulembeze baasirikanga, baagema ni ku minwa.

Yobu 31:37

Nandikobeire Katonda byonabyona bye nakola; nandyemereire mu maiso ge nga ndi mugumu ng'oti muntu mubbede.

Yobu 37:19

Twegerese bye tube tukobe Katonda, ghazira kye twidhi naire. Tuli ng'oti n'abali mu nzikiiza.

Yobu 40:3

Agho Yobu yairamu Musengwa Katonda ati:

Yobu 42:6

Kale ni neemenhie era neenenia naatyama mu nkungu ni mu ivu.”

Zabbuli 39:9

Ka nsirike, tiidha kwogera kibono kyonakyona, kuba okudaagadaaga kwange kuva y'oli.

Ensambo 30:32

Bw'oba ng'okoze eky'obusiru ni weekuluntaza, oba n'otegeka okukola ekibi, sooka weekube mu kifuba obuuze omwoyo.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Okulira 3:29

era yeewooye abenga gha bigere bya Musengwa Katonda; kuba ghasobola okuba nga ghakaaligho eisuubi.

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Danieli 9:5

“Ife twakola ensobi, twayonoona, era twakola ebibi. Twadheema, era twakyuka twava ku mateeka go, ni ku by'otulagira.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Abalevi 13:12

Aye ebigenge ebyo bw'ebinaasansaananga ni bibuna omulwaire oyo okuva ku mutwe okutuuka ku bigere,

Mika 7:16

Abantu ab'omu maghanga balibona bino, baatenha waire nga ba maani. Balibulwa eky'okwogera ng'ate bazira na kye bawulira, olw'okutya n'okusoberwa.

Habakkuku 2:20

Aye Musengwa Katonda ali mu isinzizo lye eitukuvu ensi dhoonadhoona ka dhisirike mu maiso ge.

Zekaria 2:13

Abantu mwenamwena musiriikirire mu maiso ga Musengwa Katonda, kuba asitwike alikwidha ng'aviira mu kifo kye ekitukuvu mw'aba.

Luka 18:13

Aye omughooza w'omusolo, yaayemerera ghalaku era nga tayenda na kusitulira maiso eri eigulu, yeekuba mu kifuba bw'akoba ati, ‘Katonda wange, nsaasira nze omwonooni!’

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

1 Timotheo 1:15

Ekibono kino kituufu kyene era kigwaine okwikiriza, ekikoba kiti: Kurisito Yesu yaidha mu nsi okulokola aboonooni. Era mu abo nze ndi mberi wa boonaboona.

Abalamuzi 18:19

Baamwiramu bati: “Sirika, otageza kwogera! Idha oje n'ife, obe omuwi w'amagezi era kabona waife. Tikisingaku okuba kabona ow'ekika ky'Abaisiraeli ekiramba, mu kifo eky'okuba kabona ow'endhu ey'omuntu omulala obulala ati?”