Yobu 40:12 - Baibuli Ekibono kya Katonda 2014

¹² Bwenebwene lingirira buli mwepansi omumale amaani. Otyankirire ababi agho gheene ghe bali.

Yobu 40:12 ပူးပေါင်းရင်းမြစ်များ

Yobu 36:20

Oteegomba bwire kwidha, amaghanga mwe gazikirizibwa.

Zabbuli 60:12

Kasita Katonda n'aba ku luuyi olwaife twidha kuba ba maani; kuba oyo n'aja okutyankirira abazigu baife boonaboona.

Zabbuli 94:2

Situkiramu, niiwe asalira ensi emisango, abo abeebona nga ba ghaigulu obasasule ekyo ekibagwaniire.

Ensambo 15:25

Musengwa Katonda azikiriza endhu edh'abantu abeekuluntaza, aye yaakuuma ebintu bya banamwandu.

Omulangirizi 11:3

Ebire bwe biidhula amaadhi, bigafuka gaagwa ku nsi; n'omuti ghe gugwire, ghe gusigala gheene agho, ka ghabe ku luuyi olw'omukono omusaadha oba ku lw'omugooda, olw'e buvandhuba.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 2:12

Kuba ghaligho olunaku, Musengwa Katonda oyo Afuga Amagye lw'aliikizaaku ghansi, abo abeekuluntaza ni beebona nga ba ghaigulu, n'abo abeekudumbaza ni beegulumiza.

Isaia 22:19

Musengwa Katonda alikutoola ku bukulu bw'oliku, yaakughanula mu kifo kyo ekya ghaigulu, yaakusuula ghansi.’ ”

Isaia 23:9

Musengwa Katonda Afuga Amagye n'eyaleetera ebyo okubaagho, asobole okumalagho okwekuluntaza kwaibwe, era aise ghansi abo abazira muntu wundi abasinga kuba na kitiibwa mu nsi.

Isaia 63:3

Musengwa Katonda airamu ati: “Natyankirira amaghanga zenka ng'oti n'ole atyanka emizabbibu mu kikunhiro, aye mu bantu mwaloba kubaamu anhambaku. Nagatyankirira n'obusungu bwange, omusaayi gwago gwasambukira ku bivaalo byange byonabyona, byaidhula ebimyamya

Yeremia 48:29

Nawulira abantu b'e Moabu nga bwe beekuluntaza. Beekuluntaza inho, beetwala okuba aba ghaigulu, beedundeeza, beedunkumaza, era beebona inho bonka.

Danieli 4:24

“Kale ni Isebantu kyabazinga, amakulu ni gano: Ekyo, oyo Ali Ghaigulu Yeene, n'ekyo kye yalagira ekija okukutuukaku.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Zekaria 10:5

Abantu b'omu Buyudaaya baliba ng'abalwani ab'omu lutalo ab'amaani, nga batyankirira abazigu baibwe mu bisoodo eby'omu nguudo. Balirwana baghangula n'abazigu baibwe ab'oku mbalaasi, kuba nze Musengwa Katonda ndi ghalala nabo.

Malaki 4:3

Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.

Ebikolwa by'Abatume 1:25

atwale ekifo eky'obugheereza n'obutume Yuda kye yaleka memale n'aja mu kifo kye.”

Ab'e Roma 16:20

Kale ni Katonda ensimuko ey'emiraala gyaife, mangu inho aja kutyankirira Sitaani ghansi gh'ebigere byaimwe. Enkabi dha Musengwa waife Yesu Kurisito dhibenga n'imwe.

1 Samueli 2:7

Musengwa Katonda ayavughaza omuntu era yaamukombaghaza; aisa omuntu ghansi era yaamugulumiza.