Yobu 40:10 - Baibuli Ekibono kya Katonda 2014

¹⁰ Kale ka mbone bw'ofuuka omukungu era omwekuluntaze, ofuuke omubbede ow'ekitiisa.

Yobu 40:10 ပူးပေါင်းရင်းမြစ်များ

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

Yobu 39:19

Embalaasi niiwe ogigha amaani, n'enkoto yaayo niiwe ogireetera okuba engumu?

Zabbuli 149:4

Musengwa Katonda asangaalira abantu be; abo abawombeefu yaabatuusa ku kitiisa eky'obughanguzi.

Zabbuli 21:5

Ekitiisa kye kikologho olw'obuyambi bwo; wamugha okumanhikana einho n'okufuga.

Zabbuli 50:2

Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Zabbuli 93:1

Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

Okuvaayo 28:2

Era oidha kukolera muganda wo oyo Aaroni ebivaalo ebiidhwire obutukuvu ebimugheesa ekitiisa, era ni bimubonesa obulungi.

Isaia 4:2

Olunaku olwo bwe lulituuka, Musengwa Katonda alireetera ebimera byonabyona n'emiti okuboneka obulungi era nga bya kitiisa. N'ebibala eitaka bye liribaza biriba bikalamu, byawoomera inho abo abaliba bawoniegho mu Isiraeli.

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Matayo 6:13

Totutwala mu kulebwa, aye tulokole mu bubi.’

1 Ab'e Korintho 15:54

Ekiwaagho bwe kirifuuka ekitawaagho, n'ekifa ni kifuuka ekitafa, olwo ekyaghandiikibwa kirituukirira ekikoba kiti: “Okufa kumiriibwa, obughanguzi butuukiriire.