Yobu 4:8 - Baibuli Ekibono kya Katonda 2014

⁸ Nze mboine ng'abantu abakola ebikolwa ebibi, bakungulamu bibi.

Yobu 4:8 ပူးပေါင်းရင်းမြစ်များ

Yobu 15:31

Bw'aira agho ni yeesiga ebiziramu muganhulo aba musiru, kuba byene ebyo by'alisasulwamu.

Yobu 15:35

Abantu abo bategeka okukola ebibi, era baabikola, baidhwire buguya bwereere.”

Ensambo 1:31

Mbeeni mwidha kwesasuuzibwanga olw'ebyo bye mukola, era mubonerezebwenga ebyo beene bye muyiiya okukola.

Ensambo 22:8

Omuntu asiga mu bantu obutakola mazima alikungula obuzibu obutaloodheka era alirekera agho okutuntuza baine.

Isaia 17:11

Aye ebisimbe ni bwe bimereragho ku lunaku lwene lw'obisimbye mu nimiro edho, ni byanizaagho enkyo ly'olunaku lw'obisimbiireku, era tighalibaagho bikungulwa naire, okutoolaku okugemwa obw'enaku n'okulumizibwa okutakoma.

Yeremia 4:18

Imwe Abayudaaya, niimwe beene abeereetera ebyo, olw'ensambo ye mwebisangamu n'ebintu bye mwakolanga. Ebibi byaimwe n'ebyabaleetera okudaagadaaga okwo, era bibafumitiire irala ku mwoyo.”

Hosea 8:7

Nga bwe baasiga empewo era balikungula kiwunga ow'amaani. Engaano nga tetaireeku bifaaganda, terivaamu mere naire. Aye ni bweyanditaireku ebifaaganda n'ebala, era abagwira n'abandigiriire.

2 Ab'e Korintho 9:6

Mwidhukire nti oyo alima ebitono era afuna bitono, ate oyo alima ebingi era afuna bingi.