Yobu 4:20 - Baibuli Ekibono kya Katonda 2014

²⁰ Okuzikirira kwaibwe tikutwala na kiseera. Baba balamu okuva ku nkyo, aye buja okutuuka eigulo nga babuzeegho, baaloba na kwidhukirwa.

Yobu 4:20 ပူးပေါင်းရင်းမြစ်များ

2 Ebyomubyanda 15:6

Tighaaligho kwegaita: ng'ekiketezo kino kirwanisa kire, ate ekibuga kire kyalwanisa ekindi, kuba Katonda yabatuusa ku kudaazibwadaazibwa yaabaleetera okweraliikirira okutakobeka.

2 Ebyomubyanda 21:20

Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

Yobu 14:14

Omuntu bw'afa amala yairamu obulamu? Aye nze nandiguminkiriiza mu bizibu bino, okutuusa lwe nandirekwirwa.

Yobu 14:2

Omuntu akula yaaniala ng'oti kimuli, era yaabulagho yaaweekereragho ng'oti kinsense.

Yobu 14:20

Oidha waamusinza amaani, waamumaliragho irala, era waamufaanania bundi mu maiso ng'afiire.

Yobu 16:22

Kuba emyaka mitono gye nsigaiza, ntambule okuja eyo ye ntaliva kwira.”

Yobu 18:17

Balimwerabirira irala ku nsi, ghaabulagho amwidhukira naire.

Yobu 20:7

Aye alifuuyibwa empewo yaawaagho ng'oti nkungu. Abo ababaire bamubona balyebuuza ye yaaja.

Zabbuli 37:36

Aye olundi naja okubitayo nga takaaliyo, naamwagalaku aye naaloba kumubona.

Zabbuli 39:13

Otaaningirira na bukambwe, ndeka nfuneku eisanhu, nga nkaali kufa na kubulagho.

Zabbuli 92:7

ati waire ababi bamera ng'oti isubi, abakozi b'ebibi kiisi kye bakola ni kibalamira, baategekerwa kuzikirira okw'olubeerera.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.