Yobu 4:17 - Baibuli Ekibono kya Katonda 2014

¹⁷ ‘Omuntu alifa, asobola okuba omutuufu mu maiso ga Katonda? Oba, omuntu obuntu aghanga okuba omulongoofu mu maiso g'oyo Eyamutonda?

Yobu 4:17 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Yobu 15:14

Omuntu obuntu asobola okuba omulongoofu? Omuntu eyazaalibwa obuzaalibwe, Katonda aghanga okumubala ati mutuufu?

Yobu 25:4

Ghaligho omuntu yeenayeena asobola okuba omutuufu mu maiso ga Katonda? Omuntu eyazaalibwa obuzaalibwe, aghanga okuba omulongoofu?

Yobu 31:15

Eyatonda nze mu nda ya maama, era ti n'eyatonda n'omwiru oyo? Ti n'omulala oyo eyatuwumba mu nda twembi?

Yobu 32:22

Kuba tiidhi kusuutiriza, era Omutonzi wange asobola n'okuntoolagho amangu bwe nkola ntyo.”

Yobu 35:10

Aye ghazira akobaku ati, ‘Katonda ali luuyi gha eyantonda, asobozesa abantu okwemba ni bwe baba nga bali mu kiseera ekizibu;

Yobu 35:2

“Yobu, iwe okibona nga kituufu okukoba oti oziraku musango mu maiso ga Katonda?

Yobu 36:3

Ndidha kuleeta bye ndidhi okuva ghano ni ghale, okukakasa nti Omutonzi wange mutuufu.

Yobu 4:16

Naabona ekintu ekyemereire agho; naamoga inho, aye naaloba kukitegeera. Woonawoona nga ghaligho kasiriikiriro. Agho naawulira eiroboozi nga likoba liti,

Yobu 40:8

Onaatuuka n'okuntwala okuba ng'asaliriza? Onaasalira nze omusango okunsinga, iwe oyetebwe omutuufu?

Yobu 8:3

Bwenebwene Katonda asobola okusaliriza ensonga? Oyo Aghanga Ebintu Byonabyona, asobola okugha ensala etali ntuufu?

Yobu 9:2

“Bwenebwene ndidhi ng'ebyo bityo bwe biri. Aye omuntu aghanga atya okuwoza ni Katonda, n'asinga?

Zabbuli 143:2

Nze omugheereza wo otandhiza mu bya kwewozaaku, kuba ezira muntu mulamu azira musango mu maiso go.

Zabbuli 145:17

Musengwa Katonda akola byonabyona mu butuufu era wa kivunika mu by'akola.

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Ab'e Roma 9:20

Aye iwe omuntu niiwe ani atakania Katonda? Ekiwumbe kisobola okukoba eyakiwumba kiti: “Lwaki wampumba oti?”

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”