Yobu 39:27 - Baibuli Ekibono kya Katonda 2014

²⁷ Niiwe olagira enkookooma okuniina n'ekola ekisu kyayo ghaigulu mu nsozi?

Yobu 39:27 ပူးပေါင်းရင်းမြစ်များ

Yobu 39:26

Niiwe oyegeresa ensega okweruupa, n'eyandhuluza amaghagha gaayo ng'eyolekeire oluuyi lw'omukono omusaadha olw'e buvandhuba?

Yobu 39:28

Ezimba mu mpampagama edh'embaale engulumivu einho, yaaba eyo.

Zabbuli 103:5

Ampa buli kikalamu kye neetaaga mu bulamu bwange bwonabwona, naasigala nga ndi mugumu era wa maani ng'oti n'enkookooma.

Okuvaayo 19:4

‘Mwabona bye nakola Abamisiri, era mwabona bwe nabaleeta okubatuusa ghano ghe ndi, nga mbaginze ng'oti n'enkookooma bw'eginga omwana waayo ku maghagha.

Ensambo 23:5

Kuba obukombe osobola okububona oti, aye bwavaagho mangu bwaba ng'oti bumeze maghagha, bwagulukagho ng'oti n'enkookooma bw'egulukira ghaigulu n'ebulagho.

Ensambo 30:19

Engeri enkookooma y'emanhamu engira mw'egulukira ku igulu, engeri omusota ye gumanha engira ye gubitamu ku lubaale, engira eryato ye libitamu mu nhandha ghagati, n'engeri omukwano ye gwidhamu ghagati agh'omusaadha n'omukazi.

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Yeremia 49:16

Okwekuluntaza kwo kukulimbye, era ghazira akutya kuba olowooza oti ekifo ky'olimu kyesigika inho, ng'oti n'ekifo ekigumu eky'okwewogomamu ekyabaadhibwa mu ibaale. Era weesigulira inho ku ky'amaka go okuba nga gali ghaigulu mu nsozi. Aye Musengwa Katonda oyo alikughanulayo yaakwisa ghansi. Musengwa Katonda mwene n'akobye.”

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Abalevi 11:13

“Mu nhonhi edhinaabanga ekyenhinhalwa ye muli era dhe mutalyanga, n'omuli dhino: enkookooma, ensega, mawudi,

Obadia 1:4

Aye waire ojiira ghaigulu inho ng'enkookooma, era waazimba ekisu eyo ghaigulu mu muunienie, ndidha kukughanulayo.