Yobu 38:8 - Baibuli Ekibono kya Katonda 2014

⁸ Oba naani eyaigaliza enhandha n'endhigi, ng'eghagwiza ng'oti n'ekintu ekiva mu nda ya inhaakyo?

Yobu 38:8 ပူးပေါင်းရင်းမြစ်များ

Amainhama 1:7

Katonda yaataagho ekyawulamu amaadhi agali ghaigulu n'ago agali ghansi.

Amainhama 1:9

Agho Katonda yaakoba ati: “Amaadhi agali ghansi gh'eigulu geesololeze ghalala, olwo obukalu buboneke.” Era kyaba kityo.

Yobu 28:25

Yagha empewo amaani, yaapimira amaadhi ghe gakanga.

Yobu 38:10

Nagiteeragho ensalosalo kw'ekanga, naataagho endhigi edhigisiba.

Yobu 38:9

Ninze nafuula ebire ekivaalo ky'enhandha, n'enzikiiza egemye naagifuula obugoye obugighemba.

Zabbuli 104:6

Waagighembaku amaadhi ag'enhandha gaaba ng'ekivaalo kyayo, amaadhi gaaba ghaigulu gh'ensozi.

Zabbuli 107:24

baabona ebyewuunhisa Musengwa Katonda by'akola mu maadhi omwo;

Zabbuli 33:7

Yasololeza amaadhi ag'enhandha goonagoona ghalala; amaadhi ag'oku ntobo y'enhandha yaagakuumira ghalala, ng'oti n'omuntu bw'atereka ebintu bye mu byagi.

Ensambo 30:4

Naani eyaali aniinieku mu igulu, n'aniinukayo n'aika ku nsi? Naani eyaali asoloizaaku empewo n'agigemera mu ngalo dhe? Naani eyaali azingiireku amaadhi mu kivaalo kye? Naani eyataagho ensalosalo ensi kw'ekoma? Eriina lye naani, era mutabane naani, bw'oba ng'oidhi?

Ensambo 8:29

Nali naye lwe yataagho ensalosalo enhandha kw'enaakomanga, amaadhi galobe kuswikangagho. Era nali naye lwe yataagho emisingi egy'ensi.

Isaia 40:12

Naani eyaali apimyeku obungi obw'amaadhi g'enhandha ng'agasenesa bwa ngalo dhe? Oba okupima eigulu ng'akozesa bwa mikono gye? Naani eyaali apimyeku obungi obw'enkungu eri ku nsi? Oba okuta ensozi n'obusozi ku minzaani okubipima?

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.