Yobu 38:28 - Baibuli Ekibono kya Katonda 2014

²⁸ Amaadhi gali ni lata waago, oba naani azaala amatondo g'omusulo?

Yobu 38:28 ပူးပေါင်းရင်းမြစ်များ

Amainhama 27:28

Katonda akughenga ku musulo oguva mu igulu, era agimusenga enimiro dho. Akughenga engaano kamaala, n'omwenge ogw'emizabbibu mungi!

Amainhama 27:39

Agho lata we Isaaka yaamwiramu ati: “Enimiro dho tidhiibengamu bugimu, era toofunenga musulo guva mu igulu.

2 Samueli 1:21

“Imwe ensozi edh'e Giliboa, mugwananga mwaloba kugwaku maadhi waire omusulo obusulo, oba waire amasamba gaimwe okuvaamu ebikungulwa; kuba ku imwe, engabo edh'ab'amaani kwe dhaayonoonerwa, engabo ya Saulo baalekera okugisiiga omuzigo.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

Yobu 29:19

Nali ng'oti muti ogulandiza emizi aghali amaadhi, nga n'omusulo gugwa ku nsaga dhaagwo obwire bwonabwona.

Yobu 36:27

Atwala ghaigulu amatondo g'amaadhi, yaagafuulamu amaadhi agatoonha,

Yobu 36:28

ebire ge biyugha ni gatoonhera abantu mu bungi.

Yobu 38:8

Oba naani eyaigaliza enhandha n'endhigi, ng'eghagwiza ng'oti n'ekintu ekiva mu nda ya inhaakyo?

Zabbuli 147:8

Aghemba ku igulu ebire, yaasindika amaadhi agagwa ku nsi era yaameza eisubi ku nsozi.

Ensambo 3:20

Magezi ge n'agaleetera amaadhi okutiirikira ku nsi nga gava mu itaka, era gaaleetera n'ebire okutoonhesa ku nsi omusulo.

Yeremia 10:13

Bw'alagira, amaadhi ku igulu gadudumuka, era asitusa olufu ku ndhuyi dhoonadhoona edh'ensi. Aleetera olukuba okughemya ng'amaadhi gali kugwa, era yaatoolayo empewo mu materekero ge, yaagireeta.

Yeremia 14:22

Ku bakatonda ab'amaghanga agandi abaziramu makulu, ghaligho asobola okugwisa amaadhi? N'eigulu ku bwalyo lyonka lisobola okutoonhesa waire obw'olumiiyirizi? Ti niiwe Musengwa Katonda waife? Eisuubi lyaife lyonalyona liri mu iwe, kuba niiwe okola ebintu ebyo byonabyona.

Yeremia 5:24

Timukoba naku mule muti, ‘Ka tutye Musengwa Katonda waife aleetera amaadhi okugwa mu biseera byago, mu mutoigo ni mu musambya, era n'atuteeragho ebiseera eby'amakungula buli mwaka.’

Hosea 14:5

Ng'amaadhi bwe gagwa ku itaka eikalu ni linoga amaadhi obukalamu, zeena ntyo bwe ndigha Abaisiraeli ebirungi kamaala. Baliba ng'oti kisimbe ekimuliisa ekimuli, era baasimba emizi mu itaka, baagumiragho ng'oti miti emipopulari egy'e Lebanoni.

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Amosi 4:7

Naagemerera amaadhi gaaloba kugwa mu kiseera ebirime byaimwe ghe byageetaagira einho, ng'ekaabulayo emyezi esatu okutuuka ku kukungula. Naatoonhesaaku amaadhi mu kibuga ekindi aye nga mu kindi tigagwa. Amaadhi gaagwa mu musiri ogundi aye ogundi gwakala olw'amaadhi obutagwa.

Matayo 5:45

Memale olwo mube abaana ba Iseimwe ali mu igulu ayakiza endhuba ye abalungi n'ababi, n'agwikiza amaadhi ge abo abakolera ku mazima n'abatagakoleraku

Amateeka Agokubiri 33:13

Yaasabira Abayosefu ati: “Musengwa Katonda aghenga ekiketezo kyaibwe enkabi. Akighenga ku musulo oguva ghaigulu mu igulu, era akighenga n'omusulo oguva ghansi mu itaka.

Amateeka Agokubiri 33:28

Kale ni Abaisiraeli baidha kubanga mu miraala; baidhukulu ba Yakobo abo baidha kubanga bonka, nga batyamiisa mu nsi eidhwire engaano n'omwenge ogw'emizabbibu, era efukirirwa omusulo oguva mu igulu.