Yobu 38:12 - Baibuli Ekibono kya Katonda 2014

¹² “Bukyanga obaagho, waali olagiireku endhuba okuvaayo ku nkyo, oba okulagira obwire bukye?

Yobu 38:12 ပူးပေါင်းရင်းမြစ်များ

Amainhama 1:5

Obutangaavu yaabweta Omusana, ate enzikiiza yaagyeta Obwire. Bwaziba era bwakya olwo lwaba nga n'olunaku olusooka.

Yobu 15:7

Olowooza oti niiwe owasooka abantu boonaboona okuzaalibwa? Oba oti iwe wazaalibwa nga n'ensozi dhikaali kubaagho?

Yobu 24:16

Mu bwire abaibi mwe basimira ebituli mu ndhu, omusana beigaliza baaloba kubona butangaavu.

Yobu 38:11

Naagikoba nti: ‘Kanga ghano, era otaswikangagho. N'okwesiikuula kwo okw'amaani kunaakomanga ghano.’”

Yobu 38:13

Waali olagiireku obutangaavu okubuna buli kankondo ak'ensi, n'okubulagira bubingegho ababi mu bifo mwe beegisa?

Yobu 38:21

Bwenebwene osobola, kuba wali muzaale mu kiseera ekyo! Nga mingi emyaka gy'oghangaire!

Yobu 38:4

“Wali oli luuyi gha bwe nataagho emisingi gy'ensi? Nkobera, oba nga otegeera inho.

Yobu 8:9

Kuba obulamu bwaife bumpi, tuzira kye twidhi; enaku dhe tumala ku nsi, dhiri ng'oti kinsense ekibita obubite.

Zabbuli 74:16

Omusana n'obwire byombi bibyo; niiwe owataagho endhuba n'omwezi mu bifo byabyo.

Amosi 5:8

Musengwa Katonda n'eyakola emuunienie edheetebwa Puleyadesi ni Orioni. Oyo afuula aghabaire enzikiiza ni ghaaka akasana. Yairugaza obubaire omusana bwafuuka bwire. Era yaayetesa amaadhi ag'omu nhandha yaagafuka ku bukalu. Eriina lye ni Musengwa Katonda.

Luka 1:78

Olw'okusaasira okunene okwa Katonda waife ali ng'oti n'endhuba evaayo, aliva ghaigulu yaidha yaatukyalira.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.