Yobu 37:6 - Baibuli Ekibono kya Katonda 2014

⁶ Kuba alagira omugozi ati, ‘Gwa ku nsi’ n'ekire eky'amaadhi ati, ‘Gwa n'amaani.’

Yobu 37:6 ပူးပေါင်းရင်းမြစ်များ

Ezera 10:13

Aye tuli abantu kamaala ate amaadhi gali kugwa mangi, titukaaghanga kugabaamu tuti. Ate era, ekintu ekyo titusobola kukikola mu lunaku lulala oba ibiri, kuba bwenebwene abaayonoona bangi inho mu ife.

Ezera 10:9

Agho abasaadha boonaboona ab'omu kika kya Yuda n'ekya Benjamini, beesololeza e Yerusalemu mu nnaku eisatu edho. Olwo n'olwali olunaku olwamakumi abiri (20) olw'omwezi ogwomwenda. Abantu boonaboona baatyama mu luya emberi gh'eisinzizo lya Katonda nga bali kudhugumira, olw'ensonga eyabeesa n'olw'amaadhi amangi einho agaali gali kugwa.

Yobu 28:26

Yagha amaadhi ghe gagwa, yaagha n'olukuba engira ye lubitamu.

Yobu 36:27

Atwala ghaigulu amatondo g'amaadhi, yaagafuulamu amaadhi agatoonha,

Yobu 38:22

Waali oingiireku mu kifo ghe nkuumira omuzira n'amabaale ag'omugozi?

Yobu 5:10

Agwisa amaadhi ku nsi, yaafukirira enimiro.

Zabbuli 148:8

N'imwe omuliro, omugozi, omuzira, n'olufu era n'empewo ya kiwunga ejiira ku biragiro bye, mumusaake.

Ensambo 28:3

Omufuzi omubi, atuntuza abaavu, ali ng'oti n'amaadhi ag'omugozi agazikiriza emere yoonayoona.

Ezekieli 13:11

Iwe omuntu, kobera abo abakisiigaku langi endheru oti kiidha kugwa. Ekire eky'amaadhi ekinene kiidha kuyiyika nga mulimu amabaale ag'omugozi amakologho, n'empewo ey'amaani.

Ezekieli 13:13

“Musengwa Katonda kyava n'akoba ati: Mu busungu obungi ndisindika empewo ey'amaani, naaleetera n'ekire eky'amaadhi ekinene kyayuyika nga kirimu n'amabaale ag'omugozi amakologho, byasaaniagho ekimante ekyo.

Amosi 9:6

Musengwa Katonda oyo azimba endhu ye eyo ghaigulu mu igulu, era ghaigulu gh'ensi yataagho eibanga. Yaayetesa amaadhi ag'omu nhandha, yaagafuka ku bukalu. Eriina lye ni Musengwa Katonda.