Yobu 37:23 - Baibuli Ekibono kya Katonda 2014

²³ Okumanha nga Aghanga Ebintu Byonabyona wa bukumu inho, titusobola kuseeta gh'ali. Mutuufu, tasaliriza era azira muntu y'anhigiriza.

Yobu 37:23 ပူးပေါင်းရင်းမြစ်များ

Yobu 11:7

Osobola okwagaaza ebifa ku Katonda Aghanga Ebintu Byonabyona, waabizuula waabimalayo?

Yobu 11:8

Bigulumivu okusinga eigulu. Oghanga kukola ki? Biika ghansi okusinga e magombe. Oghanga kubimanha otya?

Yobu 12:13

Katonda ali n'amagezi n'obuyinza; ali n'okutetenkania n'okutegeera.

Yobu 25:2

“Katonda n'ali n'obukumu obufuga era atiibwa; aleeta emiraala mu bwakyabazinga bwe obw'omu igulu.

Yobu 26:14

Aye ebyo katundu butundu ak'ebintu by'akola. Era bye tumuwuliraku n'ebitono einho. Obukumu bwe obw'amaani bw'ali nabwo naani asobola okubutegeera?”

Yobu 36:26

Bona eno, Katonda mukulu era titumwidhi mu bwidhuvu, emyaka gye tigibalika.

Yobu 36:3

Ndidha kuleeta bye ndidhi okuva ghano ni ghale, okukakasa nti Omutonzi wange mutuufu.

Yobu 36:5

Bona eno, Katonda wa maani, ezira muntu y'alekulira agho, era ghazira ky'atategeera.

Yobu 37:19

Twegerese bye tube tukobe Katonda, ghazira kye twidhi naire. Tuli ng'oti n'abali mu nzikiiza.

Yobu 37:22

Ku luuyi olw'omukono omugooda olw'e buvandhuba evaayo okumesunkana okuli ng'oti zaabu. Ekitiisa kya Katonda kituleetera okumutya!

Yobu 8:3

Bwenebwene Katonda asobola okusaliriza ensonga? Oyo Aghanga Ebintu Byonabyona, asobola okugha ensala etali ntuufu?

Yobu 9:19

Bwe kuba kwegera maani, mwene yenka n'aligho! Bwe kuba kuwoza musango, naani aghanga okumweta, n'aganha okwidha okuwoza?

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 145:3

Musengwa Katonda mukologho, era ni yenka agwaine okusinzibwa; ghazira muntu ategeera bukalamu bukologho bwe.

Zabbuli 30:5

Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 62:11

Nkiwuliire emikuzi egisinga mu mulala nga Katonda akoba ati ni mwene buyinza,

Zabbuli 62:12

era ng'akoba ati atugonza obutalekera; kuba agha kiisi muntu empeera ng'ajiira ku bikolwa bye.

Zabbuli 65:6

Iwe wataagho ensozi olw'amaani go, kuba oli wa maani mangi.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 93:1

Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Omulangirizi 3:11

Yaakola buli kintu nga kija bukalamu mu kiseera kyakyo. Yaata mu bantu omwoyo ogwenda okumanha ebyaligho, n'ebirigho, era n'ebiribaagho, aye yaaloba kubagha kumanha mwene Katonda by'akola okuva mu kwinhama okutuuka ku nkomerero.

Omulangirizi 7:24

Ebintu ebirigho buti biswikiriire amagezi gaife. Titusobola kubitegeera ni tubimalayo. Naani asobola okubinoonerezaaku n'abitegeera?

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Ezekieli 18:23

Mulowooza muti nze nhumirwa okubona omwonooni ng'afiire? Busa naire! Nhenda bwende akyuke aleke ebibi bye, abe mulamu.” Musengwa Katonda atyo bw'akobye.

Ezekieli 18:32

Nze tinhumirwa kubona muntu yeenayeena ng'afiire. Kale ni mukyuke muve mu bibi byaimwe, memale mube balamu.” Musengwa Katonda atyo bw'akobye.

Ezekieli 33:11

Bakobe oti nze Musengwa Katonda nga bwendi omulamu, tinhumirwa kubona mwonooni ng'afiire. Aye nhenda akyuke aleke ebibi bye, abe mulamu. Imwe abantu b'eighanga Isiraeli, mukyuke. Mukyuke muve mu mpisa dhaimwe embi. Lwaki mwenda okufa?

Matayo 6:13

Totutwala mu kulebwa, aye tulokole mu bubi.’

Luka 10:22

“Ebintu byonabyona, Lata wange yabimpa era ghazira aidhi Mwana okutoolaku Lata, ate ghazira aidhi Lata okutoolaku Mwana n'oyo yeenayeena Mwana y'aba asiimye okumumanhisa.”

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Abaheburayi 12:10

Balata baife abo baatukangaivulanga ekiseera kitono nga beene bwe baabonanga. Aye Katonda atukangaivula olw'omuganhulo ife beene gwe tufunamu, tughange okugabana ku butukuvu bwe.