Yobu 37:18 - Baibuli Ekibono kya Katonda 2014

¹⁸ osobola okugemeraku Katonda okubamba eigulu, ni limesunkana ng'oti mbonerwamu?

Yobu 37:18 ပူးပေါင်းရင်းမြစ်များ

Yobu 37:17

Iwe adaagadaaga n'olwota mu bivaalo byo, ng'empewo ensu eva ku luuyi olw'omukono omusaadha olw'e buvandhuba, eri kufuuwa,

Zabbuli 104:2

weebwika obutangaavu ng'oti kivaalo, era waayandhuluza eigulu ng'oti weema.

Zabbuli 150:1

Mwenamwena musaake Musengwa Katonda! Musaake Katonda waife mu kifo kye ekitukuvu, mumusaake ere y'ali ghaigulu mu igulu.

Okuvaayo 38:8

Yaakola ekyogero n'ekityamo kyakyo mu kyuma eky'ekikomo. Ekikomo ekyo, kyava mu mbonerwamu edh'abakazi abaagheerezanga ku mulyango ogw'Eweema ey'Okwagaananirangamu ni Musengwa Katonda.

Ensambo 8:27

Bwe yali ng'abamba eigulu naligho, era naabaagho ng'akola ensalosalo enhandha kw'ekoma.

Isaia 40:12

Naani eyaali apimyeku obungi obw'amaadhi g'enhandha ng'agasenesa bwa ngalo dhe? Oba okupima eigulu ng'akozesa bwa mikono gye? Naani eyaali apimyeku obungi obw'enkungu eri ku nsi? Oba okuta ensozi n'obusozi ku minzaani okubipima?

Isaia 40:22

Kale ni bwenebwene Katonda oyo n'atyama ghaigulu gh'ensi eneetooloovu. Abantu abagibaaku baboneka nga batini ng'oti masisi. Katonda oyo yabambagho eigulu ng'oti lutimbe, yaalyandhuluza ng'oti weema ya kubaamu.

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:12

Ninze natonda ensi, naatonda n'abantu abagibaamu. Nakozesa obuyinza bwange, naabamba eigulu, era ninze nfuga n'ebiri ghaigulu mu ibbanga byonabyona.

Yeremia 10:12

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabamba eigulu n'okutegeera kwe.

Zekaria 12:1

Buno n'obukwenda bwa Musengwa Katonda obugema ku Isiraeli. Musengwa Katonda oyo n'eyabambagho eigulu, yaatonda n'ensi, era yaagha abantu obulamu. Era akoba ati: