Yobu 37:13 - Baibuli Ekibono kya Katonda 2014

¹³ Agwisa amaadhi okufukirira ensi. Olundi agagwisa lwa kubonereza bantu, ate olundi kaaba kamanhiso akooleka ekisa kye.

Yobu 37:13 ပူးပေါင်းရင်းမြစ်များ

2 Samueli 21:10

Agho Rizupa mughala wa Aya era eyali muka Saulo ow'embali, yaatoola ekutiya yaagyeyalira ku lubaale, okuva ku kiseera eky'amakungula ghe kyainhamira okutuusa ku ekiseera ekya amaadhi okugwa. Omusana yaaloba kuganhanga nhonhi kwidha ku mirambo egyo, ate obwire yaalobanga kuganha nsolo kugiidhaku.

2 Samueli 21:14

Kale baaziika amagumba ga Saulo n'aga mutabane we Yonathani mu magombe ga Kishi lata wa Saulo oyo e Zela mu kiketezo kya Benjamini. Era baakola byonabyona kyabazinga Daudi bye yalagira. Ebyo bwe byawa, Katonda yaabagha bye baasabira ensi yaibwe.

1 Bakyabazinga 18:41

Agho Eliya yaakoba kyabazinga Ahabu ati: “Ja olye, onhwe. Ndi kuwulira okuwuuma okw'amaadhi amangi agatoonha.”

1 Bakyabazinga 18:45

Mu kaseera katono, eigulu lyazibirira n'ebire, empewo yaatoolera okukunta, amaadhi gaagwa ebitaloodheka. Ahabu yaaniina mu kigaali kye eky'omu lutalo, yaavuga yaaja e Yezireeli.

Ezera 10:9

Agho abasaadha boonaboona ab'omu kika kya Yuda n'ekya Benjamini, beesololeza e Yerusalemu mu nnaku eisatu edho. Olwo n'olwali olunaku olwamakumi abiri (20) olw'omwezi ogwomwenda. Abantu boonaboona baatyama mu luya emberi gh'eisinzizo lya Katonda nga bali kudhugumira, olw'ensonga eyabeesa n'olw'amaadhi amangi einho agaali gali kugwa.

Yobu 36:31

Aleetera amaadhi okugwa, yaaliisa abantu; yaabagha emere kamaala.

Yobu 37:14

Yobu, wulira kino: siriikirira olowooze ku byewuninkiriza Katonda by'akola.

Yobu 37:6

Kuba alagira omugozi ati, ‘Gwa ku nsi’ n'ekire eky'amaadhi ati, ‘Gwa n'amaani.’

Zabbuli 65:10

Ofukirira obulime n'amaadhi amangi, waamulungula ebifunfugu, waagonza eitaka n'amaadhi amangi ago, ebirime byakula bukalamu.

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.