Yobu 36:3 - Baibuli Ekibono kya Katonda 2014

³ Ndidha kuleeta bye ndidhi okuva ghano ni ghale, okukakasa nti Omutonzi wange mutuufu.

Yobu 36:3 ပူးပေါင်းရင်းမြစ်များ

Yobu 32:2

Aye Elihu, mutabane wa Barakeli Omubuza, ow'oku lulyo lwa Ramu, yaasungughala inho kuba Yobu yeeyeta aziraku musango, yaanenia Katonda.

Yobu 32:8

Aye omwoyo gwa Katonda oguli ku bantu, omuuka ogwo ogubateebwamu oyo Aghanga Ebintu Byonabyona, n'ogubagha okutegeera.

Yobu 34:5

“Kuba Yobu akobye ati, ‘Nziraku musango, aye Katonda tambisiisa mu butuufu.

Yobu 36:2

“Kola ng'okanguminkiriza mmale okukwinhonhola, kuba nkaaliyo ni kye nhenda okukoba ku lwa Katonda.

Yobu 37:23

Okumanha nga Aghanga Ebintu Byonabyona wa bukumu inho, titusobola kuseeta gh'ali. Mutuufu, tasaliriza era azira muntu y'anhigiriza.

Yobu 4:17

‘Omuntu alifa, asobola okuba omutuufu mu maiso ga Katonda? Oba, omuntu obuntu aghanga okuba omulongoofu mu maiso g'oyo Eyamutonda?

Yobu 8:3

Bwenebwene Katonda asobola okusaliriza ensonga? Oyo Aghanga Ebintu Byonabyona, asobola okugha ensala etali ntuufu?

Zabbuli 11:7

Musengwa Katonda mutuufu era agonza ebikolwa eby'obutuufu. Abo abagondera ebiragiro bye n'abanaabanga mu maiso ge nga bamubona.

Zabbuli 145:17

Musengwa Katonda akola byonabyona mu butuufu era wa kivunika mu by'akola.

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Danieli 9:14

Kale ni kyewava n'otegeka okutusindikira akabi ako, era n'omala n'okatutuusaaku kuba iwe Musengwa Katonda waife buliidho okola bituufu, aye ife titugondera by'okoba.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Matayo 12:42

Kyabazinga omukazi ow'e Sheba, mu kusalirwa omusango alisituka, yaalumiriza abantu b'oluse luno kuba yava etali kumpi yaidha okuwulirisa amagezi ga Solomoni. Aye ghano ghaligho asinga Solomoni.

Ab'e Roma 9:14

Kale tunaakoba tutya? Tuti Katonda asaliriza? Busa naire

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.