Yobu 36:16 - Baibuli Ekibono kya Katonda 2014

¹⁶ “Katonda yakutoola aghazibu, yaakuta mu idembe, era waafuna eby'okulya waasinwa n'okusinwa.

Yobu 36:16 ပူးပေါင်းရင်းမြစ်များ

Yobu 15:11

Katonda by'akukolera okukugumya, obitwala nga bitono inho y'oli? Tukukobeire ebibono ebikalamu ku lulwe.

Yobu 19:8

Katonda asembye engira yange, nzira bwe mbitagho; ansibiire mu nzikiiza, tikaabona ye nja.

Yobu 5:17

Bona eno, wa nkabi omuntu Katonda y'agolola okuva mu nsobi. Kale otanhoomanga kukangaivulwa kw'Oyo Aghanga Ebintu Byonabyona.

Zabbuli 118:5

Bwenali ndi mu kweraliikirira nalirira Musengwa Katonda yampulira, yantoola mu buzibu.

Zabbuli 18:19

Yantuusa mu kifo ekigazi yaabamponia, kuba nali nga nkola by'ayenda.

Zabbuli 18:20

Yansasula ng'ajiira ku butuufu bwange; yampa enkabi dhe kuba nziraku musango.

Zabbuli 23:5

Ontegekera embaga wantyamya, ng'abazigu bange babona. Wanfuula omugeni ow'ekitiisa ng'onsiiga omuzigo ogw'akawoowo, wampa eby'okunhwa okutuusa ku nkooye.

Zabbuli 31:8

Toganhie bazigu bange kuntuukaku, era ompaire eidembe neetaaya.

Zabbuli 36:8

Batoola ku bungi bw'emere eri mu ndhu yo baakola embaga, era baafuna ku birungi byo ebikuuluula ng'oti mwiga.

Zabbuli 63:5

Ndidha kuwuliranga mule bukalamu ng'oti n'omuntu aliire ku mbaga ensavu, era ndidha kukusaakanga n'eisanhu.

Zabbuli 63:6

Ni bwenja mu buliri nkulowooza; obwire bwonabwona tikwerabira,

Isaia 25:6

Ku lusozi luno Sioni, Musengwa Katonda Afuga Amagye alifumbira amaghanga goonagoona embaga, ng'eriku emere esinga bulungi n'omwenge gw'emizabbibu ogusinga bulungi.

Isaia 55:2

Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Hosea 2:14

Kale ni bona eno, ndimulembereza naamutwala mu irungu, naayogera naye mu kugonza okungi.