Yobu 32:3 - Baibuli Ekibono kya Katonda 2014

³ Era Elihu yaasungughalira ni bakagwa ba Yobu abasatu. Kuba baabulwa kye banairamu Yobu, waire nga baali bamaze okumusalira omusango okumusinga.

Yobu 32:3 ပူးပေါင်းရင်းမြစ်များ

Yobu 15:34

Kuba abatatya Katonda baidha kubanga bagumba. Era omuliro gwidha kwokyanga endhu dhe bafuna mu kukupankupania.

Yobu 24:25

Oba nga ti bwekiri, naani anaanumiriza ati ndi muguya, era n'ayoleka ati bye ndhogera muzira nsa?”

Yobu 32:1

Agho abasaadha bale abasatu baalekera agho okwiramu Yobu, kuba yali yeekakasa ng'aziraku musango.

Yobu 32:2

Aye Elihu, mutabane wa Barakeli Omubuza, ow'oku lulyo lwa Ramu, yaasungughala inho kuba Yobu yeeyeta aziraku musango, yaanenia Katonda.

Yobu 32:4

Elihu yali akaateeze bale bamale okwogera, memale abeeku ky'akoba Yobu. Kuba mwene n'eyali omuto ku bale.

Yobu 42:7

Agho bwe yamala okwogera ni Yobu ebibono ebyo, yaakoba Elifazi Omutemani ati: “Nkusungughaliire inho iwe ni baino bombi, kuba timundhogeireeku bituufu ng'oti n'omugheereza wange Yobu bw'ayogeire.

Yobu 8:6

era bw'onaaba omwesimbu ng'oli mulongoofu, Katonda oyo taalobe kwidha kukubeera, nakukwirizaagho maka go agakusaaniire.

Ebikolwa by'Abatume 24:13

Waire ni mperaano, tibaghanga kukugha bukakafu bw'ebyo bye bampaghabira.

Ebikolwa by'Abatume 24:5

Omusaadha ono twamubona nga wa kabi, adheemesa Abayudaaya boonaboona abali mu nsi era nga n'omukulembeze ow'ekikunsu ky'Abanazarethi.